11 Okōj, 2020—Salt Lake City. Ewōr juōn likao in Majōl em̧m̧an dettan etan in Erbe eaar letok naan in bwe jen karon̄ doon kake men̄e eļap an wālel jeļā eo an kōn melelein im wāween kōjerbale. Jej kadede jekpen kōn jaje eo ad kōn tu m̧wilaļ in naan in mōkaj im jeorļo̧k ad bōd ippān Erbe elan̄n̄e e jab bun̄ buruōn “Wa eo waō ņe iturim̧ kōmmelele kein.
Taije eo ej ļo̧k eaar wōr juōn aō appointment iaikuij kar jab jako jān e bwe taktō eo aō eakuij kellok n̄an Africa im train i taktō ro ijen ikkijien kapeel kein an āinwōt juōn ri m̧wijm̧wij menons. Juōn ian jipan̄ ko opij in an taktō in ej letok n̄an ri nan̄inmej ro ej onaake er ej ial ļo̧k im tok ja clinic e an. Kōnke iaar ettolok jidik (9 minit) jān m̧we imō iaar ikkir tok ilo tele-pone n̄an kōra e pāleō bwe en mōkaj im ettōr lalļo̧k im kabōjrak wa eo bwe 2 wōt minit im inaaj kar tōprak. Kōnke eaar kanji mōk bwe eaar kōwainini bon̄ōn Wōnje eo, eaar jab “ettōr lalļo̧k”, ak eaar kattōr leddik e nejimro edik. “Kwaar lo ke wa eo,” jinen eaar kajjitōk ippān. “Oh, aaet! E mootļo̧k,” eaar awake jinen. “Ta unin am jab kabōjrake”, jinen eaar kaj-jitōk. “Oh, Ababa kwaar ba in etal in lale emoottok ke.” Iaar aikuij bar kappok iala n̄ an lolok taktō e aō, im em̄ ool elan̄n̄e eaar bar wōr juōn ri nan̄inmej inaaj kar rumwiji appointment in eaar kōkmanmanļo̧k aō emenono kiio.
Juōn in wanjon̄ok in naan in “ajiriin uwaak.” Imaron̄ kar jako jān mour in Taije eo ļo̧k jān wōt pedped ioon kappe ajiri kōn un ko relļap.
Ak kanji lale karakan naan kein “Ajiri,” “In,” “Uwaak,” im jej lo melele in “uwaak” in “ajiri,” ak ilo juōn wāween ba “uwaak” āinwōt juōn ajiri. Ajiri ej juōn armej eo edik, ilo aō lōmņak epād ikōtaan iiō kane 1 n̄an bōlen 11. N̄e ar bao men en eokwe eļap an dik jān kāwūr, emaron̄ rūttoļo̧k bidik jān jojo. Melele eo ijin kiiō uwaak en ej kwaļo̧k jon̄an ekkeke en an kolmānļo̧kijen en an armej en. Jej ba ekkeke in kolmānļo̧kijen kōnke ewōr jet armej eļap aer ineea ak rōlōmņak in ajiri; ejjan̄ in ekkeke lōmņak ko aer. Men in ej alikkar ilo aer ekkonono, enaaj brak kōn jua im likōmjāje, jet iien.
Ebar wōr m̧ōttan uwaak in ajiri ippān armej rot ņe ej lōmņak kōke eļap ānbwinnin im ewōr m̧ōttan būrar in jeļā ippān, ej watōke e make bwe ekkeke im kapeel. Jinjino likao em̧m̧an dettaer rar tar Metwan Tiltak, raar jipadedļo̧k Lae. E kar kanuij em̧m̧an an joklā im eaar ejjelo̧k juōn kōro ilan̄ . Juōn iaan likao ro i’wa eo jimmaan eaar juōn ian kapen ro relļap i’Kibinmeto kan. Raar jab kajjitōk waļap eo waan kapen eo ak eaar ba n̄an likao rein “jab jeral.” Ke bar juōn kapen ej kajjitōk ippān kapen eo eļap “A ta em̧m̧an lan̄ ke?” Kapen in eļap eaar ba “alikkar ke em̧m̧an bwe rej jerak.
Ke wa eo ej bābwetak ilikiej in Ujae en, eaar ejjeļo̧k ņo im eaar em̧m̧an kōto eo. Ke eaar spaak an waļap eo dikkilo̧k, ae in an Jowalōn̄ eaar emakroro im ņo otemjej raar rere im tobajaaj ilometo. Raar kinōōrtok waļap eo eaar itok dikkilo̧k ‘em lak epaake baal in Ujae, rej rujnuje im kajjidiki. Likao rein raar kajjoik rā ko i’wa eo im pellok im elak kar jako ae eo, raar eppepe ikōtaan Wotho im Ujae. Raar eppepe ijin enan̄ in jilu wiik mae iien eo raar loo juōn ile in waan eon̄ōd ej itaak ippāer ilo bon̄ . Jibbon̄ōn raan eo juōn waan Japan eo ej tōpe ile eo im lo likao ro, kōto eo de eo im̧aan botūer. Kapen eo eļap ar jiron̄ļo̧k likao eo jibwin, “Etal im ekkatak jeļā kan an ri Pālle bwe ij jamin kadedeļo̧k am jeļā meto im lan̄ .”
Ajiriin uwaak ej bar kwalok jon̄ an aorōk in naan en ak naan kan kwōj jiron̄ļo̧k armej en. Iara ba n̄an juōn man̄ dō eaar weekend tok ippa, “juōn iaan rule ko an mween imō ej jab ikkure ilo Jabōt.” Ro m̧ōttan raar lolok juōn ri nan̄ inmej im ke raar etal jān imōn taktō eo raar bōjrak ilo juōn public park, kajutak net in volleyball eo im ikkure. Ikdeleel in ikkure eo im peer pressure eo jān ro mōttan raar kōjekdoon kalimmur ko am ro.
Jān wōt jaorōk in ennaan en kwōj ba n̄an ajiri ak armej en, ekkā aer ukōt enaan en kwōj ba. Waanjon̄ok eo em̧m̧antata e jiktok ej ke iaar ron̄ an kōrā e ba n̄an leddik e nejimro: “Etal im ba Junjun en bōki kobej kan.” Kōnke eaorōk wōt mejān, eaar kotak bōran jān bet eo bitōn im ikkūr: “Junjun! Mama ej ba itok.” Eaar jab jeļā ke unin an kar jinen ba en etal in ba Junjun en jakoben kōnke jinen eaar kōņaaņ bwe en jerkak bwe eaar raelep. Ilo jekjek in jowan koba ippān makoko in ruj raar equal ajriin uwaak. Aolep ro jet raar kiki raar ilbōk jān an leddik in ikkūr.
Ilo mejatoto in jekjek rot kein Rijjilōk Paul eaar ba: “Ke iaar ajiri, iaar lōmņak āinwōt ajiri. . . ak kiiō ke irūtto, ij lōmņak āinwōt rūtto.” Rūtto in Paul ej ekkonono kake ejjab ilo ānbwin wōt ak ilo bar mour in jetōb.” In ukōtļo̧k jidik naan in an Paul ilo jekjek in: “KE IAAR AJIRI, IAAR AJIRIIN UWAAK, AK KIIŌ KE IRUTTO, IJ UWAAK IN RŪTTO.”