Salt Lake City, UT., Tijōmba 5: Ilo juōn ian al ko an Len̄itwa Jeik taitōl eo an ej “Kijpāpinuwe” rikkōn al in eaar kajjitōk kajjitōk in ilo eon juōn: Ia in ke ejeppel eoon meto in?” Im atea, em̧ool ke ej ekonono kōn ial leplep en ilo Metwan Tiltak im ekawōtata ak jemaron̄ bar kajjitōk kajjitōk in kōn Lakielel in ejjan̄in jako an man kōj im “kōjeppel kōj” jān wōt kar jinoin iiō in.
Enaan in kean̄ ko jān aelōn̄ ko ad makmake raar kwalok ilo allōn̄ eo lok ke em̄ōj an Coronavirus is lāwōde ļo̧k barijet in aelōn̄ in Majōl. Ejja ilo iien ņe wōt je kar bōk jet melele kōn ta business ko im ri jerbal in imōn taktō eo ad i’Majuro rej kōm̧m̧ane. Jān melele kein litok jān EZ Price, ealikkar ke em̧ōj an kompani in ellok (donate) n̄an imōn taktō eo an 30,000 masks. Ejjan̄in wōr tok melele kōn jipan̄ jān business ko jet ipelaakin Majuro im Majōl eņ.
Riiti KEAN̄ eo jān Opij eo an Chief Secretary eo ikkijen an Coronavisrus lāwōde ļo̧k Majōl ijin:
Ebar wōr juōn jeepel ilo kolmānļo̧kijen ikkijien coronavirus in ilo Majōl en eaar alikas jān bwebwenato ko ad ippān ri tōl ro an jet ian business ko ioon Majuro en. Jeppel in ej itok jān an kien en kōtļo̧k jet ak dāpij ro jet jān aer kellok n̄an Majōj jān Hawaii, Guam im ri nan̄inmej ro raar taktō ilo Philippines. Ebarāinwōt wōr n̄ūrļo̧k iburuōn jet em̧ōj aer bōjrak jān jikin jerbal im jab bōk kōllā ko kien ar ba enaaj kar lilok n̄an er jān jāān eo eaar etal jān administration eo an President Trump. Jej kajjeon̄ bōk melele jān kien eo ad ikkijien men in.
Ak ewi wāween an “jeppel eoon meto in”—jeppel lōmņak kein ad —-ilo Amedka in ikkijien coronavirus in?
Nancy Pelosi, D-Calif., im Senate Democrat leader Chuck Schumer jān New York ilo Tijōmba 3 raan eo raarnkwalok aer rejtake $ 1 trillion āinwōt pedped n̄an jinoi ekkonono ko n̄an coronavirus relief; Senate Majority Leader Mitch McConnell, R-Ky., ejjan̄n oktak an lōmņak jān $550 billion. Un eo kōnke e im party in an, Republican, rej ba lapļo̧k kein ilo elmakwōt ko an Nancy im Schumer rej jab n̄an Coronavirus ak rej n̄an julok muri ko an bukwōn ak state ko rar jab tiljōk ilo kajeikik bajet ko aer. Bokwōn ak state kein kōbņa ro aer rej Democrat, n̄an wanjon̄ok, California, New York, Michigan, im ko jet.
Ilo bukwōn kein eutiej ko ie im elōn̄ business im armej em̧ōj aer dieojļo̧k jān i n̄an Texas, Idaho, Utah im Arizona. Kōj ri Majōl jej aikuij melele bwe elan̄n̄e eļap an kien ewōj i business ko, innām enaaj ļaplo̧k wōnāān good and services. Melelein apple eņ e kar 25 jāān enaaj 30 jāān wōnāān. Wōn en ej kōllā ļapļo̧k en? Ejjab business en im ejjab kien an kōj, ro rej mōn̄ā apple.
President Trumo ej ba ekkōņak n̄e kwōj pād ilubwilijin elōn̄ armej. Former Vice President eaar ba inne-lok-eo-juōn ke elan̄n̄e e president enaaj ba aolepān Amedka en ekkōņak mask iumwin 100 raan jekadoon ia eo kwōj pād ie ilo Amedka. Iaar etal n̄an juōn juōn jikin kwelok jidikdik ilo Wyoming eņ allōn̄ eo ļo̧k. Eļap jikin kwelok en kōn aeika im aeika in melaaj ikkilep jon̄an ej etal im jemlok mejam ak ejjan̄in jemlok jikin kwelok jidikdik in. Eban 400 oran armej eo ijin im ejjelok traffic light ilo mainstreet en me tarrin ruo block aetokan. Ejjelok motel im imōn mōn̄ā. Ejjelok imōn takto ak imōn pilijmāān, firestation im opij en an mayor rej pād ilo juōn wōt em. Jen kajitikin melete kein an Former Vice President Biden mōk: Ta town rot in en bae ekkōņak mask ke? Ewi science eo kwōj ekkonono kake kōn jidik jiddik rot in ilo Wyoming?
Nancy Pelosi, allōn̄ eo ļo̧k eaar etal im jitaeel e bōran im kōkm̧anm̧an awetak en an allōn̄ eo lok im kōjekdoon mo̧ ko im democrat rar linabōtak im kili haie salon im imōn mōn̄ā ko ilo San Francisco. Etke kwaar kōm̧m̧ane men in? Ri jeje news ro raar kajjitōk ippān? Uwaak eo an: “I was set up.”
Governor Newsome, D-Calif., jet wōt raan ālkin an ba en iiōtļo̧k armej n̄an dik jān jimettan in jon̄an eo juōn imōn mōn̄ā emaron̄ kdelon̄e, ruo raan tok ālik eaar pād ilo juōn kōjota elōn̄ļo̧k jān 25 ilo tebōl eo an. Restaurant in ekkā an ri usiej rein mōn̄ā ie ilo San Francisco. Ta uwaak eo an: Iaikuij kar utak im dieoj bwe elōn̄ ļo̧k oran armej eo jān 10.
Mayor Lightfoot, D-Chicago, Ill., eaar kōm̧m̧ane men in Governor Newsome eaar kōm̧m̧ane ilo Thanksgiving eo im kobaļo̧k ippān baamle kilepelp ep an ālkin an kōmo̧ik am baamle ko jet koba ippān doon ilo holiday in eaorōk ilo Amedka in.
Ālkin an Mayor eo an Austin, Texas bōki bun̄tōn kein democrat rein rej ba armej lori im kōmo̧ an armej travel, eaar bar rubi im kellok im etal im vacation ilikin Amedka in. Eaar ke quarantine? Emman kajjitōk in im komin etale uwaak ne an ilo news.
Juōn jabōn kennaan juōn ri tel ar kakatkin eo ke ij college: “Ewi wāween an jinen baru ba baru ko nejin ren wāreer maaņļo̧k elan̄n̄e e jeļā wōt wāreer kōn tu-katin?”
Rippot e ilo Honolulu Civil Beat rainiin ej toojlok in jeppel in lōmņak kein an ri tel rein ad barāinwōt ilo Hawaii en. Okta eo ilo Hawaii en aolepān ri tel ran an department Kan an kien ijen rej democrats, barāinwōt Kōbņa en, David Age. Ekkar n̄an Honolulu Civil Beat, Department of Health eo an State en ej ba kadikļo̧k oran raan in quarantine jān 14 n̄an 7. Travel rule kan jarjartok jān kean̄ kan opij en an kōbņa en ej ba likiti wōt ilo 14.
Ak ealikkar rainiin, ke jekdoon n̄e jej ekkōņak mask, ak oran armej ro ej positive test ko aer em̧ōj aer kālōn̄ļo̧k. Bōnbōn ko Kōbna Hutinchon, D-Arkansas eaar kōjjeļā kaki rainiin ej 2,827 case kāāl. Kein kōlalem utieej in case ko wini ilo Arkansas jān jinoin pandemic in (Source: Arkansas Democrat, Tijōmba 4, 2020).
Ilo Utah, ilo Nobōmba 3, 2020 eo oran kase kāāl eaar 3,919 im Kōbna Herbert eaar ba ekkōņak mask, eaar mandate e. Tokālik oran eaar bar dikļo̧k n̄an ilal̄ in 400 Jima, rainiin (source: KSL News, Nov., 3, 2020). KSL News eaar bar ripoot e ke vaccine eo jej ron̄ ke epoojak n̄an jumae coronavirus in epoojak kiiō n̄an ri jerbal in ājmou ro ipelaakin Utah.
Jej etale wāween ad kadieojwaj bōnbōn ko ilo bukwōn ko jet ewōr ri Majōl ie bwe en emman ami bōki bun̄tōn ko rekkar n̄an baamle ko ami. Em̧ōj an ttojlok in edwaan melele in ke ekkōņak mask ijoko jabdewōt ejjelok science ie. Kōn men in kwōn kōm̧m̧ane ta eo ekkar im elan̄n̄e kwōj nan̄inmej jab emakitkit jān kapijuknen eo am.