Source: Joan McQuaid, The Jones Center

Translated by: Chloe Mateariki, The Jones Center

English: https://chikinmelele.com/covid-precautions-for-safe-program-options-at-the-jones-center/

Jones Center eo ear kilōk ilo Maaj 17 raan. Jet iaan douluul ko jej jerbal ippāer Center for Nonprofits ilo Springdale im Rogers raar kōm̧m̧an iien drive-through ko ilo Jones Center.  Raar barāinwōt kōm̧m̧anejuon Virtual Center ak juon wāween bwe kwōmaroñ lale būrokraam̧ im m̧akūtkūt ko jān m̧weoim̧ōm̧ak jabdewōt jikin kwōj pād ie ilo onlain.  Jikin alooj in ej bareinwōt kitibuuj būrokraam̧ ko rej rōjan̄ kōj ñan keini ad em̧m̧akūtkūt im kōjparok ājmour eo ad.  Elōñ m̧akūtkūt onlain āinwōt 10 video jān būrokraam̧ ko ie: Yoga Flow, Strength Circuit, Dance Fit im Silver Sneaker.  Ej bareinwōt wōr m̧akūtkūt ñan kōm̧m̧an ippān baam̧le āinwōt top golf ilo m̧weo, ikkure in pukot, kōm̧m̧an jikin abañ, im ikkure im pōjjōl.  Ewōr kab link kōn am̧ itok limo um̧ im kōm̧m̧an m̧akūtkūt āinwōt katak jikeet, baik, tuuj in ballet, lale national park im museum, im roñ bwebwenato, kōm̧m̧an make iaan theater im art.  Pukot meļeļe kōn iien ko renaaj kōm̧m̧ani ilo social media.  Mejenkajjik eo aer ej bwe kōjjeļā ko ren jab baj ilo kajin pālle wōt ak kōnke jej kōņaan bwe en em̧m̧an an aolep meļeļe jej bareinwōt ukōte ñan Kajin M̧ajeļ im Spanish bareinwōt.

Ilo tōre eo ear kilōk jaar kepooje ñan lukkuun karreoiki iloan im raar bōk buñtōn ne ko ñan kōjparok. Jikin wia m̧ōñā eo ear kilōk im ej kilōk wōt ñan tōrein. Ke raar loe bwe remaroñ bar kapeļļo̧k m̧weo ilo Mae 11 raan eo, raar kile bwe elukkuun aorōk ñan bōk buñtōn ne ko ñan kōjparok im ñan kattoļo̧k kōk jān ro jet. Ilo tōrein Jones Center eo ewōr wōt juon kōjem in delo̧ñ im diwōj. Ñan kadikļo̧k oran armej ro rej pād iloan m̧wiin,ro rej maroñ deļo̧n̄tok im̧wiinej ro im rej member wōt. Jet iaan būrokraam̧ ko em̧ōjaer bōjrak m̧okta mae iien enaaj jako nañinmej in eļap. Em̧ōjaer barāinwōt kadikļo̧koran armej ro bwe remaroñ kobatok ilo kilaaj ko. 

Jān wiik ko jinoin ad bar kapeļļo̧ke m̧wiin, ewōr iien ko jaar kōm̧m̧ani ñan aolep ro rekōņaan  ice skating im lap pool swimming, barāinwōt jej kapeļļo̧k m̧akūtkūtko bwe jabdewōt emaroñ bōk kunaan ie – ñan waanjoñak ak, Runway Bike Park eo im kar kōm̧m̧ane ilo nabōj.  Basketball Tournament im ikkure ko rej kōm̧m̧ani wōt ilo  Jones Center. Coach ro rej aikuj ekkōņak aer māāj. Rūkurre ko rej aikuj barāinwōt ekkōņak māāj ko ijello̧kin wōt ñe rej ikkure ioon court eo.  Em̧ōj aer kaben kien ko kōn ad kattoļo̧kkōj make jān ro jet. Ro rej itok im alooj rej aikuj in kōņake wōt māāj eo aer. Baam̧leko rej itok remaroñ jijet turin doon, ak rej aikuj kattoļo̧k er jān ro rejjab uwaan baam̧le eo aer. Jea in jijet eo ālikin eo juon emo̧ jijet ie, ejjeļo̧kej jijet ie. Joñan oran armej  ro rej itok im alooj em̧ōjkadiļo̧k ñan jimattanin oran ro rekon itok m̧okta ļo̧k. 

Jones Center eo āinwōt juon douluul ej kate joñan wōt an kōm̧m̧ani būrokraam̧ ko ilo juon mejatoto em̧m̧anbwe rej rejetake aer aolep juon wōt meñe eoktak aelōñ ko jej itok jāni, kakememej kōj bwe jej joñan wōt juon, im jej kobaiki aolep.  Aolep ro ilo Jones Center rej aikuj ļore naan in kakapiļo̧kko em̧ōj an Arkansas Department of Health letok – menin ej kitibuuj, rijerbal ro, armej ro rej itok ñan iien ko rej kōm̧m̧ani ñan public ak jabdewōt. Māāj ko, jab kepaak doon, im jej lukkuun ļoore naan in kakapiļo̧kkein. Jej rōjañ im kōm̧m̧anbwe armej ren maroñ ikūtkūt aer kwaļe peir. Maintenance ro ad rej niknik ilo aer karreoiki kein jerbal ko im karreoik aolep jikin ilo Jones Center. Weepjait eo aer ej kōm̧aanļo̧k juon video ilo Kajin M̧ajeļ kab Kajin Iñliij im Jepein ej kōmeļeļeik eļmān aer kōjparok ājmour eo an aolep doon.

Chloe Mateariki, juon Accounting Assistant, emaroñ jibañ jabdewōt juon ilo Kajin M̧ajeļ. Kajjitōk ippān Chloe ñe kwōj itok.