• Keplaak bwe en ewōr jāān in jipañ rūtto ro ad ekoba ro ewōr ṃōjṇo ilo ānbwin im kōmālij.
• Keplaak im lolorjake bwe iṃōn jokwe ko an aolep rūtto ro ioon Majuro ren kōkāāl.
• Keplaak bwe en ḷapḷọk meḷeḷe kōn nañinmej in kōmālij koba uno ko rekajoor.  Keplaak bwe en ewōr counselor ro retijemḷọk ilo kajojo jikuuḷ ko ñan jipañ jodikdik ro nejid.
• Keplaak bwe Erreo im Aibuijuij eo an Majuro en jeblaaktok. Eḷap an tar jān joñan an ettoon āne im lọjet. Tol in kobej ko ilo jikin jokbej eo im kobej ko rej ejerwawa ilo melaj ko rej aikuj jako im ewōr wāween ko ñan keplaake kobej ko ad. Jej aikuij keplaak im kabōk jipañ jān laḷ ko retijemḷọk ñan jipañ kōj.
• Jerbal ippān Iroij im Alap ro aer Majuro kobaḷọk ippān Kien eo an Majuro ñan na mejlan abañ ko an armej im keplaak bwe en tōprak kajjitōk ko an kajojo baaṃle im kajojo jukjukun pād ko. Jerbal ilo burukuk enaaj bōktok eḷap jeraṃṃan im wōnṃaanḷọk.
• Keplaak bwe en ewōr jipañ ko ñan kōkṃanṃanḷọk iṃōn armej in Majuro. Ej aikuij ewōr jipañ ko ñan kōkāāl ṃōko ṃōn armej in Majuro bwe ren eṃṃanḷọk im ewōr aer nien dān, iṃōn kepojak im wāween ko jet ñan kōkṃanṃanḷọk jokkun mour ñan kajojo baaṃle.
• Keplaak bwe en lapḷọk wōnāān an Kien kōjerbal bwirej ko an armej in Majuro.  Ej aikuij ewōr oktak bwe epenḷọk im lapḷọk wōnāān mour.
• Keplaak bwe en lapḷọk meḷeḷe ko kōn climate change ak an anjiwiwi im ukoktak in mejatoto im an bōka ko tōre aelōñ jidik kein. Armej rej aikuj meḷeḷe bwe ren jinoe ṃaanjāpopo. Keplaak bwe armej ro ilo Majuro ren meḷeḷe kōn ta ko renaaj bōk jikier iloan ṃōṇakjān in ṃaanjāpopo kein an kien. Keplaak bwe en tōprak sea wall ko rejannin tōprak.

• Keplaak bwe en lapḷọk Kōrā Fund eo bwe en komaroñron elōñ ḷọk kōrā ñan aer maroñ kakke aikuj ko an baaṃle ko aer.
• Ejaake juon Eṃaan Fund āinwōt an ewōr Kōrā Fund bwe en ejjeḷọk kaljekḷọk ñan komaroñron likao ro bwe ren maroñ jutak kōn er make ilo aer kōṃṃani business jidik ko aer āinwōt taxi driver ro, ri eọñwōd ro, ri kamto ro, ri kawainini im ro jet.
• Service im Jerbal ko an Ra eo an Jikin Ājmour eo adwōj rej aikuij eṃṃanḷọk im polomen ḷọk jān joñan in. Rainin ejab aolep armej rej tōpar jipañ kein itok wōt jān an dik jaan ko kejemooji ñan Ra eo an Jikin Ājmour eo.
• Keplaak bwe elmakot eo ñan kōḷapḷọk wōnāān nurse en tōprak. Ej aikuij lapḷọk wōnāān nurse ro ad.
• Keplaak bwe en lapḷọk wōnāān ri jerbal bwe eḷap wōnāān mour im ṃōñā.
• Keplaak bwe en kōkāāl Leiroij Atama Zedkeia Hospital eo ilo ien eo eṃōkaj im en jutak im jerbal jikin taktō ko ilo Ajeltake, Uliga im Jenrok. Jikin taktō eo ilo Wōja edredreḷọk im ej jerbal rainin. Jikin taktō eo ad ilo Laura ej aikuij lapḷọk bwe en maroñ baur aolep ri ñaninmej im kadikḷọk an armej jibadek
hospital eo ilo Deḷap.
• Keplaak bwe en ewōr jāān ko ñan tarinaik ñaninmej ko an NCDs ak ñaninmej ko aetok kitier āinwōt tōñal, high blood, ñaninmej in menono, kōmālij im cancer. 73% in aolep mej ko ilo Ṃajōl rej itok wōt jān ñaninmej kein.

• Tarinaik ñaninmij in TB bwe en drikḷọk im jako jān Majuro in bwe emwij an berjaake aolep jukjukun pād ko.
• Keplaak bwe en ejeḷọk ledrik ak kōrā rej jerata jān cancer. Aolep iio ewōr 10 kōrā rej jako kōn cancer.
• Ledrik jidrik rein nejid im rej kirae ilo aer ajiri wōt ej lōñḷọk aolep iio. Ṃajōl ej #1 ipelaakin Pacific in. Keplaak bwe en ewōr program in komaroñron ledik ro nejid bwe ren maroñ kōṃṃani jokalet ko rejejet ilo beran.
• Keplaak bwe aolep ajri ren jikuuḷ im en ejjeḷọk ajri ej jool jān aer bōk jeḷāḷọkjen.
• Ṃōñā ko kijen ri jikuuḷ ro rej aikuij karpop ḷọk im unne ḷọk ñan bōbrae ñaninmej in tōñal. Juon in wāween tarinaik tōñal im jipañ ajri ro ilo aer rūttoḷọk im ājmour.
• Ejab jemḷọk an armej in Majuro im Ṃajōl diwōjḷọk ñan America kan ñan pukot mour, ājmour im jeḷāḷọkjen ko reṃṃanḷọk itok wōt jān an pen mour im jabwe jerbal. Keplaak bwe en lōñḷọk jerbal ko ñan bōbrae an armej diwōjḷọk.
• Keplaak bwe en kajoorḷọk training ko ikijjien jarom, engineer, kamto, maritime, agriculture, karreo, hospitality, small business, allied health fields, kōmat ṃōñā, mechanic, im jerbal ko jet. Wāween in enaaj kōḷapḷọk kapeel ko ippān RiṂajōl ñan aer maroñ jerbal im kōjeraṃṃan baaṃle ko aer im eḷaptata iakwe ḷāṃoran in aer im jab diwōjḷọk.
• Jerbal ippān Private Sector im Chamber eo an Commerce ñan pukot buñtōn ko bwe en lōñḷọk jerbal.
• RiṂajōl ṃoktata ilo men otemjej eḷaptata ilo jerbal im jeraṃṃan ko. Jej bōk ñan wōn?
• Keplaak bwe en ewōr ainikien kōrā im jodikdik ro ilo bebe ko an kien. Eḷap ijo kwonan kōrā ro im jodikdik ro ñan kalek ilju im jekḷaj.