Jimmy Jacob, ej bar juōn uwaan douluul jidikdik in. Kōrā in pāleen, Elisha, ej leddik in Namdrik men̄e eaar lotak ilo Likiep. Ak elan̄n̄e Jimmy, eokwe eaar lotak in rūttoļo̧k ioon Majuro en. Ewōr jiljino nejierro ak ruo iaer em̧ōj aer jekadļo̧k jān erro. Jimmy ej pija ijin ippan Ryan Douse im kora eo paleen. Ryan Douse, juōn ri jerbal in Spokane School District.
Jilu wiik remootļo̧k je kar tepiaake melele eo an naan in ‘jimor wōdejipel ra eo bun̄waj’ im kar kwa lok ke ewōr jilu ra ko rebun̄it jukjukin pād kein an Ri Majōl ipeļaakin United States in: COVID-!9 Coronavirus, US Census 2020 im Due Process. Kar kōtmāne eo in bwe ālkin kar jino in ekkonono kake nan̄inmej in, armej rein mōttad, nukud im jeta renaaj kar ron̄ kean̄ ko jān ri tel ro an kien im kabun̄ im ellewetak im lori guideline ko Center of Disease Control eaar kadieojtok bwe jen kōm̧m̧ani. Ruo wiik emootļo̧k iar lo ilo juōn ilomij iar pād ie ke Ri Majōl rejjab lori guideline kein.
Ippān men in, repot eo tok jān Arkansas ej bar rie men in ilo aer kam̧oole ke armej ro rar quarantine i er ilo juōn hotel rijen rej ko in bon̄. Jej jab ba wōt team in iakiu kane an likao in Majōl rane rej koba im ikkure weekend kein, men̄e kor laplap in ej kab emakroroļo̧k.
Kōn emakroroļo̧k in an kior in, jekōņaan kwaļo̧k kadkadin juōn douluul jidikdik em̧ōj aer wanlōn̄tak im ellejet n̄an lomo̧o̧ren jukjukin pād eo an Ri Majōl ilo Spokane, Washington, ijo im enan̄n wōr terrin 4,000 armej rein nukid im mōttad rej jukjuk im amņak ie rainiin.
Etan douluul jidikdik in ej “Community Advisory Board (CAB).” Jej biromōj bwe Ri Majōl rein lalem WŌT im rej wajōkkāik wa in waad ilo Spokane, WA en “rar reito-reitak im elak ke ejjelok ej emakitkit” ak “jikuul im jikin ājmour reinepata” kōn an Ri Majōl jab ellewetak, douluul jidik in e bōk jikin. Ekkar naan in “bōkedikdik lokwōjkwōj māāl” ej bōlen naan eo ekkar tata n̄an doulul jidikdik in bwe men̄e edik ak tōprakin jerbal ko aer ijen elōn̄ Ri Majōl emōj aer kakōlkōl n̄an lale elan̄n̄e ewōr coronavirus ippāer.
“Ak wōn enaaj kar jipan̄ armej rein ad?” Ej kajjitōk eo an Rick “Lōbōkkā” Kabua ke iar kajjitōk ippān kōn utak eo an douluul in jilu iiō ko remootļo̧k. “Ilak lale ke ejjelok en ej emakitkit, ij aikuij kar emakitkit,” ear kobaiki ilo uwaak in an. Kōnke et eo ekkā ān̄inn̄ini kake in Lōbōkkā eokwe jen kwalok kadkadin ijin. Kōrā in pāleen, Rosentiana Attari Kabua eaar ioone ilo Oahu en, eaar jikuul ilo Leileluha High School ilo Wahiawa im ewōr jilu nejierro. Kiiō enaaj jiljilimjuōn (7) iiō ierro ņa ilo Spokane. Ijellokin an volunteer e iien ko an ilo CAD, Rick lukkun jerbal eo an ej “Student Support Specialist”. Ilo jerbal in an ewōr 13 ajiri in Majōl ej lale er ilo high ko emān ilo Spokane School District.
Jimmy Jacob, ej bar juōn uwaan douluul jidikdik in. Kōrā in pāleen, Elisha, ej leddik in Namdrik men̄e eaar lotak ilo Likiep. Ak elan̄n̄e Jimmy, eokwe eaar lotak in rūttoļo̧k ioon Majuro en. Ewōr jiljino nejierro ak ruo iaer em̧ōj aer jekadļo̧k jān erro. Ālkin jerbal eo an ilo Foreign Affairs āinwōt juōn protocol opija, eaar etal kōmakit baamle in an n̄an Texas ilo 2001 eo im jān ijen rar emakit n̄an Spokane ilo 2005 eo. Jimmy ej jerbal āinwōt juōn Community Health Worker, ej jerbal ippān Spokane Regional District. Ekkar n̄an Mr. Jacob, wiik eo ālkin an CAB kar kōm̧m̧ane post eo an ilo Facebook kōn guidelines ko an CDC jej aikuij lori emān wiik emootļo̧k, wiik in, em̧ōj an wanlōn̄ļo̧k oran Ri Majōl ro ilo Spokane ewōr COVID-19 ippāer kiiō ej Wawa ioon 200. Jimmy ej rie naan ko an Ric Kabua: “Jen lori guideline kein an CDC bwe rejeļā ta rej kōm̧m̧ane.”
Fred Sorimle ej juōn laddik in kabimetto kan im ej bōk kwoņaaņ ippān douluul in. Ilo bwebwenato ko ippān Mr Sorimle wiik eo lok, eaar ļap an kameejļo̧ k melele ko an ikkijien anemkwōj in kāālet im jejjet im jim̧we in ad kōjerbale men in. Ilo rōrre eo eaar ba, “elan̄n̄e ebōd ad kōjerbale anemkwōj in kāālet in Anij ar kōjeraamman im kōjeban kōj kake, jen jab kabōd E.” Kōrā in ippān Fred, Regina Langidrik Sorimle, ej leddik in Aelōn̄ļapļap.
E bar wōr jet uwaan douluul in je kar jab maron̄ tōpar er ilo iien in eaar jeje article in. Dr. Lutz, jej aikuij kile jerbal kein an ippān douluul in. Ryan Douse, juōn ri jerbal in Spokane School District ej bar an̄inwōlāik jipadek ko an douluul in n̄an jut ņan coronavirus in. Ewōr ruo ri kaki rej bar jet joorlep in ejjab douluul in wōt rej bar tel eklesia en New Hope, Ri Kaki Ambri im Ri Kaki Itai Johnny. Jejeļā jen ekkonono ko ad joteniin ippān Lōbōkkā ke Ri kaki Johnny e bar wōr juōn an full time jerbal ilo jukjukin pād en ippān kien. Lejm̧aanjuri eo an douluul in ej Dorisday Daniel, juōn leddik in Mili Atoll, juōn ian kōrā ro nejin Elson Daniel, kar mayor eo an Mili Atoll iiō ko ļo̧k.. Jān Waipahu, Hawaii im Kauai, em̧ōj an itok im amnak ilo Spokane en.
Jukjukin pād kein an Ri Majōl ipeļaakin United States in ren jab pād ak ren emakitkit āinwōt likao rein im kōra in jeid im jatid ilo Community Advisory Board in. Waan kemem juōn in, jen lore.