Read this in English: National Language Policy Issued by the President Could Reduce Language Access for U.S. Residents

Read this in Chuukese: An Müülap Annuk Ra Katöwüü Me Ren ewe Presiten Repwe Tongeni Pineii an Chön Nönömw Lon Merika Angei Ekkewe Fëiëchün Angang (Language Access) Ren Fösün Ekis

Enan̄in 180 laļ ko ipeļaakin laļ in rej kōjenolo̧k official national languages ko, im enan̄in aolep laļ ko rej kile elōn̄ ļo̧k kajin ko kōjerbale. Ijoke, United States im United Kingdom ejeļo̧k juon aer ro kajin rej kōjerbale.   Kajin In̄lij ej eo ekajoor tata (im kar ba wōt) kajin ilo U.S., ijoke elōn̄ļo̧k jen 20% in U.S. rej kōnono juon kajin ijelo̧kin kajin In̄lij (68 milien in 340 milien armej). Ilo U.S. kein karuo ļaptata wōran armej ro ie rej kōnono ilo laļ in rej ri Spanish ro.  Elōn̄ bar kajin ko jet rej bareinwōt kōnono kaki aolepen laļ eo. Kajin eo ekkā kōjerbale ilo Arkansas, ālkin In̄lij im Spanish ej kajin Majeļ.

Ilo Pāpoode 28, 2025, Donald Trump ekar jaini juon executive order kōm̧m̧an bwe kajin In̄lij en kajin eo wōt  kōjerbale an United States. Meļeļein bwe agency ko an federal ejako an aikuj in leļo̧k jipan̄ ikijen kajin n̄an rejjab kōnono kajin-In̄lij (ak ejabwe kajin In̄lij) ippāer. Wūn eo kar ļōmņake n̄an kakien in ej n̄an kōkm̧anm̧anļo̧k an kien wājepdik im kōm̧m̧an ippān doon ipeļaakin laļin. Agency ko renaj maron̄ in wōt leļo̧k jipan̄ ikijen kajin n̄an rikōnono ro rejjab jeļā kajin In̄lij, ijoke reban menin aikuj jen federal government eo.

Asian Pacific American, Hispanic im Black Caucuses eo an Congress rekar je enaan in: Executive order eo an President Trump ej juon ļōmņak in kōm̧m̧an bwe  agency ko an federal ren kōjenolo̧k armej [kōn wōt kajin]. Iumin order in ekāāl, agency ko rej jab maron̄ aikuj in letok jipan̄ ikijen kajin (āinwōt Social Security im Medicare) me ri Amedka rein rej kōļļāiki kōn jāān in tax ko aer.   Kajin In̄lij ej de facto eo kajin eo an laļ in ad, ijoke armej ro rej kōnono bar juon kajin ijelo̧kin kajin In̄lij rej bar ri Amedka āinwōt an ro jet kōm̧m̧ane. Eaar baj m̧ool jen tōre ekar jutak laļ in ad.  Jej jāmin naaj kōtļo̧k an President Trump ukōt m̧ool in, im jej naaj kōjeparok jim̧we im maron̄ ko an ri Amedka n̄an deļo̧n̄e jerbal ko an federal ilo jabdewot kajin.”

WASHINGTON, D.C. – Jea ko an Congressional Tri-Caucus—Congressional Asian Pacific American Caucus (CAPAC) Chair Rep. Grace Meng (NY-06), Congressional Hispanic Caucus (CHC) Chair Rep. Adriano Espaillat (NY-13), im Congressional Black Caucus (CBC) Chair Rep. Yvette Clarke (NY-09)—kar kadiwojļo̧k naan in kōketaak ilo uwaake executive order eo an President Trump ej kean̄ bwe kajin In̄lij en āinwōt kajin eo emālim ilo United States.

Executive order eo an President Trump ej juon ļōmņak in kōtļo̧k an agency ko an kien kōjenolo̧k ņae immigrant ro im kajojo armej ro edik kajin In̄lij ippāer. Iumin order in ekāāl, agency ko rejjab maron̄ aikuj in jipan̄ letok kilen deļo̧n̄ n̄an jerbal in jipan̄ ko ikijen kajin me ri Amedka ro rej kōļļāiki kōn tax ko aer.

“Ta eo ej waļo̧k n̄e juon eo erūtto im ejabwe kajin In̄lij ippān ej aikuj jipan̄ deļo̧n̄e joortoklik ko aer ilo Social Security? Ak n̄e juon eo ejjab-jeļā ko̧nono ilo In̄lij ej aikuji jipan̄ ikijen deļo̧n̄ ilo Medicare?

“Trump ej ba bwe emaron̄ irre n̄an ri Amedka ro aolep raan. Emōj an kōm̧m̧ane juon oktak. Executive order in e jabde im ej jerbal wōt n̄an kōm̧m̧an bwe mour en pen n̄an armej ro rej jerbal.

“Kajin In̄lij ej de facto language eo wōt an laļ in ad, ijoke armej ro me rej kōnono bar juon kajin ijelo̧kin In̄lij rej baj ri Amedka āinwōt ro rej kōm̧m̧an. Ekar baj m̧ool jen tore eo kar ejaake laļ in ad. Jej jāmin naaj kōtļo̧k an President Trump ukōt m̧ool in, im jenaaj irre n̄an kōjeparok jim̧we eo an ri Amedka ko n̄an deļo̧n̄e jerbal in jipan̄ ko an kien ilo jabdewōt kajin.”

Naan in Kōketaak jān Tri-Caucus Chairs ion Executive Order eo an Trump ej Kean̄ bwe kajin In̄lij en āinwōt Kajin eo Emālim