In English: https://chikinmelele.com/striketober/
Em̧ōj ke am̧ lo hashtag eo #StrikeTober ilo social media im ba, ta in? Elōn̄ jidāik (strike) ko m̧okta ak kōn elōn̄ļo̧k ilo Oktoba, jet armej ilo social media kar jinoin kōjerbali hashtag – Strike + October.
Ewaļo̧k jidāik ke ro uwaan doulul in union rejememe kōn jon̄an dik in ōņāān aer kōļļāiki er, eaitok aer jerbal, im ekauwōtata ipeļaakin jerbal. Union ej bebe kōn ri jerbal ro n̄an kōm̧anm̧anļo̧k ipeļaakin jerbal ko ak kōļapļo̧k oņāān ri jerbal im jiban̄ ko. Jet iien union eo ej tōl ri jerbal ro im rej jidāik. N̄e ri jerbal ro rej m̧akoko in jerbal, innem erum̧wikļo̧k jerbal ko an factory, jet iien jerbal ko ie rej bōjrak. Kiin factory eo ej aikuj kile aurōk in ri jerbal ro im ļōmņak kōn wawein aer kōjparok ri jerbal ro ie.
Etke rej kōm̧m̧an jidāik? Im etke kiiō?
Pandemic eo ekar kōm̧m̧an bwe jikin jerbal en nanaļo̧k — elōn̄ armej rej kile ke boss ko eaar rekōņaan orļo̧k eļapļo̧k jān aer kōņaan kōjparok ri jerbal ro. Im armej rej loe an walōn̄ļo̧k jāān an boss ko aer, ke rej kakkōt raan n̄an raan. Ri jerbal rej iuun n̄an oktak kiiō.
Ilo Oktoba wōt, elōn̄ļo̧k oran jān jon̄oul to̧ujin kar jidāik āinwōt nurse ro, ri katak ro, im ri jerbal in factory ilowaan US in. Bujen iiō ejanin loe jon̄an ak oran jidāik ilo US. Communications director eo jān juon union eo kilep, juon iaan ri tōl eo an AFL-CIO, ekar kōnono ippān ABC News, “Ij ļōmņak ri jerbal ro remōk. Eaikuji er ak āinwōt joļo̧ke, im ri jerbal rej ba em̧ōj.” Āinwōt juon ņo. Jet armej rej m̧akoko in jerbal im elōn̄ļo̧k ri jerbal rej koba ippān doon. En̄in maron̄ iien eo n̄an koktak jikin jerbal bwe en em̧m̧anļo̧k.
Allōn̄ eo ļo̧k n̄a iaar loļo̧k juon picket lain kōn juon jidāik ņae John Deere, eo ej kōm̧m̧ane tractor, ilo Ottumwa, Iowa. Ro uwaan United Auto Workers (UAW) Local 74 – union ilo jikin jerbal en – rekar ba ke jukjuk eo rej errā ippaer. Oktoba in union ro raar iuun n̄an kilik ak bōjrak jerbal ilo aolepān 14 John Deere factory ipeļaakin.
Ikar kile jiban̄ eo ilo aō lo armej ro raar leļo̧k m̧ōn̄ā im dren, jutak ilo lain eo ippaer, im kōroro jān wa ko waaer. Bujen ro rej jidāik rej ba men̄e eoktak armej ro ilo aer jerbal im ļōmņak, remaron̄ aolep koba ippān doon kōn unin. Naan eo ilo kajin pālle ej “solidarity”, im emeļeļein bōro-kuk. Ejjeļo̧k jidāik emaron̄ wōnm̧aanļo̧k n̄e ejjeļo̧k bōro-kuk, iakwe, im jiban̄ eo jān jukjuk en. Im ri jerbal ro in aolep jikin rej jinoe meļeļe bwe jej aolep ippān doon.
Ekar lōn̄ļo̧k jidāik ilo raan ko emootļo̧k. Akō ilo 1990s ekar wōr kien ko rekāāl, āinwōt kien in Arkansas’ Right-to-Work eo ej bōbrae im kōjem̧ļo̧k jim̧we ko an ri jerbal n̄an jidāik. Kiiō ero̧o̧ļļo̧k n̄an kajoor eo an ri jerbal n̄an jidāik! Bōtab ejan̄in wōr oran jidāik ilo Arkansas, jekdoon #StrikeTober. Builen maron̄ in union n̄an jidāik juon men ekāāl n̄an ri M̧ajel ro. Akō ekar wōr juon jidāik ilo Ebeye ilo 1970s im ri jerbal raar kajjitōk bwe em̧m̧anļo̧k kōļļā im kautiej jān Nitijeļā im US military. Ekajoorļo̧k wōt kien n̄an bōbrae jidāik ilo Arkansas. Ijoke m̧ōttan jidik emaron̄ ibwijlep ņo eo.
Ilo an StrikeTober etal n̄an holiday season eo, ij ļōmņak bwe ewōr bar juon men in kōmeļeļe jān kajin m̧ajeļ n̄an aolep. Em̧m̧an ippa naan in ‘ri-kajoor’ bwe āinwōt juon bar naan kōn ri jerbal. Ilo kajin pālle kajoor meļeļein “strength” im “power.” Ij ļōmņak ej juon kakememej em̧m̧an ke kōj, ri jerbal ro, ewōr kajoor eļap ippād ilo ad koba ippān doon. N̄e en kar jab kōj, en kar ejjeļo̧k factory, aujpitōļ, im jikuuļ. Jerbal ko ar ej kam̧akūt laļ in. Ewōr aō ikdeelel bwe StrikeTober ej jinoe wōt. Kiiō ej iien eo n̄an aolep ri jerbal ilo aolep jikin n̄an pukot kajoor ko ad ippān doon!
Nuuj ekāāl: Elōn̄ļo̧k 10,000 ri jerbal ippān UAW raar jidāik ņae John Deere ilo Illinois, Iowa im Kansas ium̧win 5 wiik, jān Oktoba 14 – Nobōm̧ba 17. Ilo iien aer jidāik, ro rej jerbal ioon salary ilo John Deere āinwōt ri jerbal in engineer im juporbaijor ro raar basic jerbal. Eļapļo̧k jān 50% ro uwaan union raar errā (approve) kōn jijino iiō contract eo im em̧m̧anļo̧k jān contract eo me rar katmāne m̧okta jān jidāik eo. Ikijjien kōn eo jān jidāik in ej kōļapļo̧k 10% wōņean n̄an ri jerbal ro n̄an wonean aer maron̄ mour. Lale ripoot eo ilo Des Moines Register.
Ukok kōn Chikin Melele. Kommool n̄an ro raar jiban̄ in kajimwe jeje eo.