“Kwe im n̄a: Kōjro Pād Ia ilo Bebe in?” Lōmņak ko Re Kapokpok kōn COVID 19- Coronavirus? Im Ta ko Ri tel ro ad, taktō ro an, im Armej rein ad Rej Ba kōn Coronavirus

TOPICS:

Posted By: William J. Swain May 9, 2020

Melele ko RAINIIN kōn Covid 19 Coronavirus—

• Ilo article eo wiik eo ļo̧k ilo column in, jaar quote i source ko ilo newspepa ko im ilo news media ko jet ke nan̄inmej in eaar jarjartok jān “wet market” ko ilo Wuhan, People’s Republic of China ak ilo Eprōl 17, 2020, rekar ripoot e ilo Fox and Friends ke emaron̄ kar ijjijo nan̄inmej in ilo labpratory ko ilo Wuhan.

• United States ej iuuni wōt laļ ko mōttan bwe ren kipel China n̄an kōtļo̧k scientist ri jān laļ ko ilikin China bwe ren delon̄e lab in im étale melele ko China ej kadieojitok n̄an laļ in ikkijien Covid 19 Coronavirus. China ejjan̄in errā ilo lōmņak in.

• President Trump ar kōjjeļā ilo 17 Eprōl 2020 ke enaaj pello̧k economy in an United States in ilo “phases” ak lelkan ko, jidik illo̧ jidik.

• Border ko an Majōl rej “on lockdown”.

• Ejjan̄ in wōr nan̄inmej in Covid 19 coronavirus ilo Majōl

Erkein enaan ko jān ri tel ro, taktō in Majōl ro, jān kom ri Majōl ikkijien Covid-19 im kuk ippān doon:

“. . .Covid 19 emōj an ajeded ipelaakin laļ in. Jekdoon kwōj pād ia, jekdoon ewi detam, jekdoon taitōl eo am, ak jouj im bōk kwoņaam [ilo jumae nan̄inmej in]. Drijo ‘em ukōj! . .Ri Majōl ro ilikin Majōl in: Jab aipādpād ak pukōti melele ko rekāāltata kōn nan̄inmej in bwe en emman ami onaaki baamle ko ami. Ikōņaaņ bar kakememej bwe eaorōk bwe jen loor kakien ko an laļ eo jej pād im jokwe ie āinwot jet ruwamaejet.”
—H.E David Kabua, President, Republic eo an Marshall Islands, Easter Weekend, Eprōl 2020

“Nan̄inmej in eitok-laļ-tok, bwe emaron̄ ejjelļo̧k symptom ko jej loi ippam, a e pād kadede i’ānbwinnūm. Covid 19 elapļo̧k an kapopo im kauwōtata ļo̧k jān flu. Isolation im quarantine rej jebal. Melelein men kein, pād wōt imweo imōm. Ito-stak wōt n̄e kwo lukkuin ai-kuij. Kwo lak kōjerbal face mask, kwōjk bōprae am bōk nan̄inmej jān bar juōn im kwōj bōpare am lelok nan̄ inmej n̄an bar juōn.”
—Dr. Wilfred Alik (Facebook post, Eprōl 2020)

“Jeaikuij ron̄jake er [ri tōl rein ijōkein jej jokwe ie] bwe ijoko jikier kein. Elan̄n̄e jej kuk ippān doon im kōmman jar ak ekar emōj an kar kien ko ilo jukjukin pād ko ad ba JAAB, eokwe jen lōmņak ewi wāween ad maron̄ mour ilo aelōn̄ eo an Jemād Ilan̄ ijo eutiejļo̧k kien eo ie jān kein ijōkein i\laļ in jej joche ie?”
—Mentina Langkio, Hawaii

“Aolepwōj jej tōmak ke ewōr Anij. Anij in ad Eaar kōjeram̧m̧an kōj im Ej kōjeram̧m̧an kōj, im Enaaj kōjeram̧m̧an kōj. Eaar kōjeram̧m̧an kōj kōn ri tōl rein ad. Innām lak mōj E kōjeram̧m̧an kōj kōn “anemkwōj in kāālet. An bōd ad kōjerbal anemkwōj in kāālet ej tōl ļo̧k kōj n̄an biromōj. Elan̄n̄e jej kukļo̧k wōt im jar ak emōj an ri tōl rein ba jaa ilo tōrre in, im elōn̄ armej re po ilo nan̄inmej in coronavirus im wōr jerata n̄an er, an wōn bōd? Ri kaki ro an kabun̄ rej kōm̧m̧an jar en jimi ke elan̄n̄e renaaj na ruōn Jeter Ilan̄?”
—Fred Sorimle, Washington State

“Loori kien ko an Anij im kien ko an laļ eaorōk. Ewōr ke tokjān ad jar elan̄n̄e jej jab loori kakien ko an community ko jej pād ie? Eokwe kakien ko reddik kein i’laļ in, ak ekōjkan ko an lan̄? Jen maron̄ ke loori?”
—Allen Hilai, Utah

“Eklesia ko an ri Majōl ilo Oregon rej kōmman “live stream on line” jān mōko imōn ri kaki rā n̄an mōko imōn ro rej jar ippāer. Etke ri kaki ro an kabun̄ kein an ri Majōl ijoko jet ipeļaakin Amedka in re ban kōm̧m̧ane jekjek in bwe ren maron̄ jipan̄ ri jar ro aer im jukjukin pād ko aer jimor [bōprae covid-19]?”
—Gary Zackious, Oregon