Ilo jemlok in ļo̧k allō̄n̄ Jeptomba eo Manit Day e kar vōk jikin ilo Majōl en. Juōn wiik eo e kar lōn̄ emakitkit ko re kar bōk jikier n̄an kemem e Manit. Bar juōn alen jej bōk iien in bar juōn alen lelo̧k ad naan in kōjeraam̧m̧an n̄an Committee eo eaar karōk kwobban Manit Day ilo aer kajjeon̄ kakememej kōj kōn aorōk in manit in ad. Ilo nāmemen manit, article in ej jeje.
Ilo kar juōn interview ippān ro mōttad ilo Arkansas im Hawaii en jet iiō remootļo̧k, juōn reporter eaar kajjitōk: “Etke kom Ri Majōl ar itok n̄an Amedka in?” Kōrā in Majōl ro rar interview in ippāer raar lelo̧k jilu uwaak: taktō, jikuul im jerbal. Jen mōk lale wāween an naan in “Kwōj Bōk N̄an Wōn Ke Je Make” im taktō ijōkein jelōte doon. Ilo ad etale men in ippān doon, ejjelok perre ke jet ami kom naaj ba ‘etke lilōn̄tak men kein ilo article in ke ejelōt manit.’ Eokwe article in ej jeje n̄an emmaan ro rekar jolo̧k eļap jāān n̄an kōketok kōrā ro jineir bwe ren taktō, eļaptata elan̄n̄e kwe maanje ak kwōj make wōt nejin jinōm iturun kiiō.
Jinō, jema, im jinen im jemān jino raar katakin eō jeļā ko aer kōn naan in “Kwōj bōk n̄an wōn ke je make” ke ej jerbal n̄an iien ko re apan̄ im jinōm im jemam re dolool ak kwe, juōn em̧m̧aan, kwo make iturueer. Juōn kōrā —enaaj jinō jān baamle ko an tema– eaar itok jān Majōl in jokwe ippa bwe en maron̄ taktō. Juōn jibon̄ in Jādede iaar ron̄ okkoļo̧k ilo em jidikdik eo aō. Ke ij itōn lale ta eo, ettoot ke kōrā eo jatin eaar utak iturun. Iaar kajjeon̄ itōn jipan̄ kotake jān floor eo an jikin tutu eo ak e kar jan̄ im ba in dieoj. Tok ālik ilo ruum eo an iaar kōpooje, iaar ba n̄an e: “Kwōj kememej ke kwaar katakin eō naan in ‘Kwōj bōk n̄an wōn ke je make?’ Eokwe etke ijjab maron̄ kōjerbale ilo tōrre in ke kwo mōjņo̧ ak ejjelok nejūm kōrā iturum ak ejjab n̄a m̧aanje?” Uwaak eo an: “Ewōr juōn jatū kōrā im̧wiin.” Iaar jab bar ekkonono.
N̄an kapen ļo̧k melele in i’lōn̄, iaar etal in ukook n̄an juōn lōlļap enaaj tema. Taktō eo ar eaar jino etale an menono kōn kein ron̄jake eo an il ilo ejja iien eo wōt eaar kajjitōk ippān lōlļap ep ej metal ke bōram; ej jabjab ke menwam; ej metal ke lo̧jeem; e tab ke am erre; im iaar ukōti aolep kajjitōk kein im lōlļap ep eaar uwaaki. Ak ke taktō eo eaar jino kajjitōk kōn “kōpoojak dān im bwidej,” lōlļap eo eaar ba “ebwebwe wōt ņe taktō. Etke iaar itōn taktō kōn metaal bar e aō ak ekajjitōk kōn bar jet kain rejekkar?” Im lōlļap eo ar jutak im dieoj.
Jekjek in elōn̄ alen aō ionen ejjab ippān ro wōt nukui ak ippān kōrā rein joined jān manit in ad. Ekkā an walo̧k ippān rūtto rein jined im jemād. Rainin ij ukōt ainikien rūtto rein n̄an taktō im nurse ro ipeļaakin Amedka in. Inne-ļo̧k eo juōn iaar ukōt ainikien juōn nurse n̄an juōn leklap. E kar bar kanji em̧m̧an uwaaki kajjitōk ko an nurse eo mae iien eo kajjitōk ko kōn mōttan ko jān lukwōn laļļo̧k rej jebar. Ke iaar jino ukōti lellap eo eaar ba, “Kwo bwebwe!” Im ekar jab bar ekkonono. Ij aikuij kar kōmeleleik nurse eo ta eo e kar bōk jikin.
Kiiō em̧ōj aō lo mejlan aban̄ in. Ijellokin aō ba ta jerbal in aō, ij bar, ilo iien eo ij kwalok kajjeō im kadkad in jerbal in aō, ij kwalok ruo naan: “kwōj bōk n̄an wōn ke je make” im “kwōn lelikwaj manit in adro ilik ilo iien in” bwe en polel an taktō ņe am jerbal ippam. Ta walok in ekkonono rot in mokta jān aō ukōt ainikien ri nan̄inmej n̄an takto im nurse ro im ainikien taktō im nurse rein n̄an ri nan̄inmej rein rej kurtok eō bwe in āinwōt juōn ekkietaak in kōmmao eo ikōtaer?
Juōn kūrae ej kab keotak eaar kwalok aolep kajjitōk ko an kōn n̄āāt ānbwinnin enas bar rool n̄an jekjek eo mokta jān an keotak, n̄āāt ekkar bwe en kaliktit laddik eo nejin, im n̄āāt eo ekkar bwe en bar “on̄” ippān likao eo pāleen. Lellap eo eaar illu im kabwebwe eō eaar molok an bōd ke kōmro nurse eo an ar bar loļo̧k e ruo raan tokālik. Juōn ri nan̄inmej ilo Pacific Northwest eaar kōlaajrake aolep nan̄inmej ko an jān man̄un n̄an m̧aan akkin neen im eaar aetokļo̧k an bwebwenato ippān taktō im nurse eo an kōn wāween an uno ko nimen jelōt ānbwinnin im wāween an kolmānļo̧kijen. Jimettan in pata eo in en̄in bwe ewōr jet joined re ban kōtļo̧k ad ukook n̄an er ilo jikin taktō ko, jekdoon ta, em̧m̧anļo̧k n̄e re mej jān aer “rube mantin Majōl.”
N̄e je tōpar jon̄an pelļo̧k in ilo ad ukōt ainikien ri nan̄inmej rein ad, men̄e jined im jatid ak jeid, encaja ļap ijo jenaaj kōm̧m̧ane n̄an jipan̄ er. Ilo ad kōm̧m̧ane jerbal in im ilo juōn wāween ejelōt manit in ad, jen kememej bwe e bar wōr wāween ellā ioon mo̧ rej jeboole kōj ijen im ijen ilo manit in. Juōn naan naan kein ej “KWŌJ BŌk N̄AN WŌN KE JE MAKE.” EO JUO«N: “LŌJRO JA JOLIKTAK MANTIN MAJŌL ILO WŌT IIEN IN BWE POLEN AN TAKTŌ ŅE AM TAKTŌIK EOK.”