Read Northwest Arkansas Council: A Look Back in English.
Groundwork Promo Videos – Chikin Meļeļe
Ilo jilñoul iiō ak ḷapḷọk, Koonjel eo an Northwest Arkansas ekar ḷap kuṇaan ilo eddōk im jutak an jukjuk in pād ko. Koonjel eo eaar jipañ kakobaik jikin ko im peejnej ko peḷaakin. Ijo ṃokta Fayetteville, Springdale, Rogers im Bentonville rekar depet-doon kōn jāān, Council eo ekar kajutak pepe im jerbal ko ñan kaddek city centers, peejnej, im kōkōṃanṃan wāween mour ñan armej ro ipeḷaakin Northwest Arkasas.
Northwest Arkansas ej eddōkḷọk ikkijen bōnbōn in armej ro ie. Ej kiiō kein kajubukwi ilo ḷap joñan armej ilo aelōñ in. Ilo 1990, Sam Walton koba ippān Don Tyson, J.B Hunt im ro jet kar kajutak juon non-profit ñan jerbal kōn eddōk eo an jukjukin pād ko. Sam Walton ekar ṃokta kōtmāne bwe Koonjel eo en jipañ kajutak juon airport ipeḷaakin eo emaroñ wōr jikin depouk ñan ijoko jabdewōt im iaḷ ko reḷḷap me remaroñ kōṃanṃan ettōr im etal eo an wa im tuurak. Iuṃwin tōl im oṇaake eo an Alice Walton, Koonjel eo ekar jinoe eṃṃakūt eo ekar waḷọk Northwest Arkansas Regional Airport Authority. Koonjel eo ekar jipañ kōtak jāān im kōtōprak wōnāān lōñin jiljinoñoul pakij in bwidej ijo airport eo ekar jutak. Airport eo ekar eddōkḷọk, kiiō eñin Northwest Arkansas National Airport, ippān jikin kweiḷọk ñan joñoul ruwalitok jikin ko relḷap ilo aelōñ in.
Beaver Lake ej jikin dān eo eḷaptata ilo Northwest Arkansas. “Two-Ton” Benton/Washington Regional Public Water Authority ekar jutak ilo 1992. NWAC ekar kile joñan an armej ro ilo jikin ko ipeḷaakin rej aikuij jikin dān in im ekar jepak eṃṃakūt in ñan lale jaketo-jaketak in dān eo. “Jej eddōkḷọk im meḷeḷein enaaj ḷapḷọk kōṃṃan jerbal, peejnej, im ṃōn ko. Tōprak in juon jikin dān ej ki ñan aolep men kein.”
NWAC ekar bar errā ñan kakōṃanṃanḷọk ekkar iaḷ im kaḷapḷọk ial ko. Sam Walton ekar iuun ñan kōṃṃan iaḷ ko rej etal eañ-rōk im reeaar-rālik, US 412 im US 62, rej kakobaik jikin ko ipeḷaakin ippān doon im ñan ro jet ilo aelōñ in. Highway ko rekar kakōṃanṃan ñan bwijin turak me jerbal ko rej kōjerbal ñan aljek ṃōñā im menin aikuij. Walmart, Tyson im kombani ko jet rej kōjerbal bwijin turak rej relōñ im diwōj jān Northwest Arkansas aolep wiik. Armej ro rej bar aikuij in pidodo aer eṃṃakūt ikōtaan jikin ko.
Ilo iiō ko reṃootḷọk, Koonjel eo ekar kakijooror ñan kajutak im kajjuur in museum āinwōt Crystal Bridges im the Amazeum, jikin bōk limo ilo art im music āinwōt the Walton Arts Center, TheatreSquared im Walmart AMP, im jikin ikkure ko āinwōt Arvest Ballpark im the Razorback Regional Greenway. Koonjel eo ekar bar jinoe eṃṃakūt eo ñan kōṃṃan kapijuken eṃ ñan rijerbal ro. Karuwainene in riit kōn Groundwork im jerbal ko aer ñan kōṃṃan kapijuken eṃ ipeḷaakin.
