Kommol ñan Alinton Matauto kōn an ukot kōmeḷeḷein.

Men̄e president in kar ņa ruwōn ruo katten ilo tōrein tōōm̧ eo an kein kajuon ilo opij, mokta ekar kakkure maron̄ im pinej Congress im eo kein karuo kōn kōm̧m̧ane juon poktak in jum̧ae kien, ļein kar bar kālet e im kar bōk opij wiik eo ļo̧k. Jān iien in ļein ekar kōm̧m̧ane jejjo jerbal ko im kar jaini excutive wōrtar ko n̄an kalikjab letok jāān n̄an jikin taktō im kappukōt taktō im būrokraam̧ ko rōkārere an federal, jeņļo̧k jen koņ ko an oktak in mejatoto, im ukōt kakien ko an immigration. Jet iaan jerbal in executive kein renaaj maron̄ in idajon̄jon̄e ilo jikin ekajet ko.

Jet iaan executive wōrtar kein reiokļo̧k immigration emoj kar kōjeļā kake. Juon iaan wōrtar ko ej alej e ļo̧k n̄an kōmōkajļo̧k jilkin ļo̧k ak kōrool im jab kōttar. Bar juon emōj an ukōt kakien ko eo me ej bōbraek opija ro jān aer ebbōk armej jān jikuuļ ko an kien im aujpitōļ ko. Elōn̄ jikuuļ ko emōj aer kōnono kōn wāween aer būļāān in uwaak eļan̄n̄e opija ro an ice renaj itok n̄an jikin jikuuļ. N̄an kakobaba n̄an makūtkūt kein, taujin ko an armej rekar jilkin ļo̧k ak kōrool er n̄an Mexico im Columbia.   

Jej kam̧oole bwe opija ro emōj aer loļok jikin jerbal ko, m̧ōn wia ko, im kapijuknen ko. Meļeļe ko rekāāl jān ICE ekoba oraņ bōnbōn in ri Micronesia ro im ri Majel ro remaron̄ in jibwe er ilo iiō in ej tin jemļo̧k. Ilo tōrein covid pandemic eo, ke ekar kilōk border ko, immigration eaar jab maroñ wōnmaanļo̧k in kōrooḷḷọk armej an Majōl im ekar kōtḷọk armej ñan rool ñan mweomeer.  Bōtaab, eọōj an kōjjeḷāik Consulate bwe armej in remaroñ bar kalbuuji ñan kōrooḷḷọke jān ānin.

Ewōr jejjo men ko me raorōk bwe jen kemeemej.

President eo ej kōm̧m̧ane aolepen menin kiiō n̄an kwaļo̧k an kajoor. Ej meļeļein n̄an kwaļo̧k an kajoor im n̄an kaamijak kōj.

Kien eo ej kaalikkar bwe aolep rijikuuļ ren bōk jeļāļo̧kijeņ ilo jikuuļ kōn ejjeļo̧k oņeān, jekdo̧o̧n immigration status eo aer. Jikuuļ ko rej jab aiini ak kakkoņe jabdewōt meļeļe ko kōn immigration status eo an rijikuuļ ko. Opija ro an immigration rej jab aikuj kajjitōk meļeļe jān jikuuļ ko ikkijeen immigration status.

Emenin aorōk n̄an kemeemej bwe ri Majeļ ro ewōr juon aer jim̧we im maron̄ n̄an jokwe im jerbal ilo United States iumin Koņ eo. Ri majeļ ro remaron̄ wōt in jilkin ļo̧k ak kōrool eļan̄n̄e raar kōm̧m̧ane jet kain jorāān ko. Juon armej eo naaj kar jibwe jān ICE ewōr an jim̧we im maron̄ n̄an kōm̧m̧ane keej eo aer ilo jikin ekajet eo an immigration. Enaaj bōk elōn̄ allōn̄ ko mokta jen aer jilkin ļo̧k ak kōrool ñan Majōl.

Ñe ejjeḷọk aṃ bwōd, ejjeḷọk inepata. Kaalikar wōt bwe eṃṃan aṃ passport im i94 documentation ak kanne application ñan kōkāāle men kein. Consulate eo ej ļōmņake oktak in uwaak ko n̄an pepa ko raorōk ilo tōrein armej rej kōttare passport ko aer bwe ren bar kōkāāl ak bar kōm̧m̧ani. Kwōn jab mijak in tal ñan jikuuḷ ak jerbal.

Emenin bar aorōk n̄an lukkuun lale bwe en wōr ippam̧ juon passport im i94 kāāl. RMI Consulate emōj an kar letok meļeļe ko ikijjien kōkāāl passport eo am̧ im kilen deļon̄e im bōk meļeļe ko an i94 eo am̧. Jouj im kūr ļo̧k Consulate eo ilo 479-419-9332 ak ritel ro an jukjukinpād eo am̧ ijo kwoj jokwe ie n̄an jipan̄.

Jet state, ekoba Arkansas im Utah, rej bōk koņaer ilo State Criminal Alien Assistance Program eo. County law enforcement ej kowaļo̧k rekoot ko in “resident alien” ro raar pād ilo kalibuuj ippān DHS im ICE. Rekoot kein ekoba iien diwōj, im atōreej in m̧weeo im jikin jerbal. Doulul ko an ri Majeļ ilo Arkansas rejeļā an wōn meļeļe ko rekar kowaļo̧ke im rekar kōjeļāik armej rein mokta ļo̧k bwe ren maron̄ ekkōļ im kar poojak. 

Emenin aorōk menin n̄an jeļā ta eo kwōn kōm̧m̧ane eļan̄n̄e juon immigration opija en kar jipadek eok. Ewōr meļeļe ko ilo kajin Majeļ kōn ta eo n̄an kōm̧m̧ane eļan̄n̄e juon opija ej iwōj n̄an m̧weo im̧ōm̧ ak jipadek eok inabōj in m̧weo im̧ōm̧. Kaat kein rej leto letak jān pein doulul ko an ri Majeļ ijo kwoj jokwe ie.