10 Tijōmba 2020, Salt Lake City, UT.  Elan̄n̄e kwo jan̄in kar ron̄ enjan eo, eokwe kiiō raeleb Food and Drug Administration (FDA), department eo ej kōmālim kōjerbal jabdewōt uno ilo United States in bwe armej rej maron̄ kōjerbale eaar kōmālim an dieojļo̧k vaccine eo kōm̧m̧anin Pfizer.  Ewōr kōjatdikdik n̄an ad kiiō man larkielel e lak kar man kōj jān jino in iiō in.

Administration eo an President Trump jān allōn̄ eo coronavirus in eaar lāwōde tok United States eaar kabōjrak an baluun kellok n̄an China im an baluun ko jān China kātok n̄an Amedka in.  N̄n jet, eļaptata former Vice President Joe Biden rar ba ilo tōrre eo bwe e ej juōn “fear monger” ak armej rot en ej kōleln̄o̧n̄ armej ilo ejjelok unin.

Ak ejja ilo tōrre eo wōt Speaker Nancy Pelosi (D-Calif.), eaar jāde ilo Chintown ilo San Francisco im walok an padre ippān armej ro ijen āinwōt juōn eo ej errā ilo naan eo an Joe Biden.  Tok ālik rar kajjeon̄ ņa ruōn jabdewōt emakit administration in an President Trump eaar bōke n̄an pukōt mejlan virus in.

Kōnke e kar mōkaj an lōn̄ armej ilo Amedka in rar jako jān ˆcoronavirus in, President eaar kōjjelāik kōj im laļ in kōn Operation Warpspeed.  Men in e kar kōmakit aolep kaban̄ban̄ ko renaaj kar karumwijļo̧k an FDA kōmālim an dieojtok jabdewōt uno ko renaaj jipan̄ ilo jumae virus in jān ruwalitōk iiō n̄an ruwalitōk allōn̄.

Ijjab jeļā wōn ro ilo state kane ri Majōl rej jokwe ie renaaj bōk wā in mokta. Ilo Utah, n̄an wanjon̄ok, elaajrak in ej:  Ri jerbal ro an jikin ājmour (imōn taktō ko, clinic ko), ro rek pād ilo kauwōtata (ekoba mōko imōn rūtto), ri kaki ro ilo imōn jikuul ko, innām enaaj dieojļo̧k n̄an ri jikuul eo im public.  Ej tōbrak tok ilo Utah e vaccine in ilo raan eo ilju.

Komin lale enaan ko jān kōbņa ko an state kane komij jokwe ie n̄an jeļā n̄aat im ia eo kom maron̄ bōk wā in ie, elan̄n̄e kom kōnaaņ bōke.  Lale elaajrak eo renaaj kadieojwaj jān opij eo an kōbna rane an state kane komij jokwe ie bwe komij jab jako jān juōn iien em̧m̧an im ekkar bwe komin bōke.