Original print date: September 2015
Im āindein an coach ro an football, rijikuuḷ ro im rijerbal ro ilo Lakeside Junior High School ba kake Elaiu Andrike. Elaiu ej jutakḷọk 5′ 9″ aetokan im 260 paun eddo in. Ekkar n̄an coach eo an, BJ Huffstetler, ej make wōt kajoor tata iaan rijikuuḷ ro ilo jikuuḷ. Coach Huffstetler ej ba, “Elaiu ej juon eo elukkun eṃṃan mūlin im meanwōd bōtab ālkin an kōṇak unipoom in football eo an, erom juon bar kain.” Coach Huffstetler ej ba bwe Elaiu enaaj ikkure ilo jiṃor defense im offensive line eo bōtab enaaj ḷap an ikkure ilo line eo an defense.
Elaiu ej ba bwe ebōdan̄ jinen im jemen ettā im mera an kōnono. Ej ba bwe kōtōpar eo an ej bwe an e eo kein kajuon jān Ṃajeḷ enaaj ikkure football ilo NFL. Eṃōj an jino etal leta ko jān jejojo college ko im rej kalikkar aer itoklimo ippān. Mekarta n̄e ebun̄bun̄ ak ej ettā wōt. Elaiu ej ba bwe ia eo football enaaj bōke n̄ane, enaaj kemejmej wōt ṃanit eo im ijo ej itok jāne. Jinen im jemen, Loren im Cathrine Andrike rej jokwe ilo Springdale.
Iaar maron̄ in kar kōnono ippān jinen Elaiu, Cathrine, im ej ba elukkun ḷap an ṃōṇōṇō kōn ḷaddik eo nejin im ej katakini iien otemjej bwe en kōttāiki im kemejmej ijo ej itok jāne.” Catherine eaar jiron̄ eo jet wiik ko remootḷọk bwe ḷeo pāleen eaar uake juon call jān committee eo an sport ilo Ṃajeḷ im rej kwaḷọk aer kōṇaan bōk Elaiu bwe en juon uaan team in weight lifting eo aer n̄an Micronesian Games ko im rej jekdoon bedo tok. Cathrine ej ba bwe eḷap an ṃōṇōṇō kōn an jikuuḷ kein kile ḷaddik in naaj in ilo an ikkure football. Ej an kōṇaan bwe ḷaddik in nejin en juon waanjon̄ak n̄an elon̄ iaar rijikuuḷ in Ṃajeḷ ro im renaaj rūttoḷọk ijin. Cathrine ej ba bwe ej jiron̄ḷọk ḷaddik eo nejin iien otemjej bwe en juon waanjon̄ak eo eṃṃan im bwe en jouj n̄an aolep armej im eḷaptata kautiej aḷap ro. Ejjeḷọk jemḷọkin ta eo ḷaddik jān Ṃajeḷ emaron̄ kōṃṃane. Komūn kemejmej at in Elaiu Andrike #71 jān kumi in football eo an Lakeside Junior High, “Rijikuul eo ekajoor tata im ettā tata ioon campus.”
Rọọlḷọk n̄an pepa https://chikinmelele.com/from-the-archives-september-23-2015/.