Iakwe,

Eta in Selina Neirok Leem. Jet iaan aelon ko ij itok jen ie ej Namdrik, Ailuk, Mili, Ebon, im Utrik. Ikar lotak ilo November 12, 1997. Ijo ikar lotak im dik im ruttolok ie ej Majuro mokta jen ao kar emakut ilo iio eo 2014 nan kabilon ko nan jikuul. Etan jowi eo ao ej Raur. Ewor ruo jino im jema. Jolok bod bwe ijjab maron ba etaer for privacy reasons. Ak juon iaan Mama im Baba ro ao emoj aer kakije jen mour in im ikonaan kile er ilo jeje in bwe ilo kar iio ko rekar mour im ikar jeramman in pad ippeier, mene elukun kar lon aban ak elap aer kar iakwe na im kokajoor na bwe in juon jiron eo eberan im jela mour.

Ikar dik im ruttolok ippen Bubu im Jimma eo ao ilo kadkad eo an Mama. Bubu ekar juon ri-jerbal nan Bank of Marshall Islands. Ekar pad ippeier jen ke rekar jutak nan ien an kakije. Ij ememej an kijoor boktok bwijin mona enno bwe komim ajri ro jibwin en mona ilo emonono. Kar ippen Bubu ikar katak kon kandrikdrik kon iakwe. Mene edik mona ak jabdetakwot eo ewor ippem, emman ne kon kandrikdrik ippen ro turum bwe komiro ak komijeel en emonono ippen doon. Ien eo ekar jako, ikar kilaaj 4 ilo Rita Elementary School im juon babbub kilmeej im mouj dot ekar keloktok nan lowaan kilaaj room eo. English rikaki eo ao ekar reilok im kaju ba, “Oh won ne ewor an mej?” Jejjo minute tokalik ering cell eo ao im ej Mama eo ao kajjitok ne imaron rool. Bubu eo ekar katakin na kon inon enwot ke aolep bon ej kijoor inon, jar aolep bon mokta jen ao kiki mene ekar jab ikutkut amim etal im jar, kojparok nuknuk bwe en to an pad bwe jen jab bar jolok jaan, mona in Majol, uno in Majol, im mour ko an ri-etto ro ad.

Jimma eo ao ekar rikaki ilo Rita Elementary Jikuul. Ijo ikar kilaaj 1 nan 6 ie. Jimma kar ao rikaki ilo kilaaj 5. Ij ememej an kar aolep raan jeiki aolepen page ko ilo Jemenei eo an Majol im koj rijikuul jej aolep jeiki nan ilo notebook ko ad im katak kake. Kilaaj mate ro ao rej kijoor etton bwe ilak kuri ijjab ba, “Jimma.” ak ij ba, “Rikaki.” Ebwe an kar strict Jimma. Elukun discipline im ewor rule ko jej aikuj anoki bwe en maron function mour im jerbal ko ilo mweo. Aolep raan komjeel ajri ro jeu im jati jej ruj tok ilo an kojo ilo radio eo an al ko an Chaninway im rikojanjan ro jet emman ippen. That is still a memory I hold dear to my heart. Bolen unin an emman ippa go to sleep with music ippen timer to shut it off 45 minutes after im ne ij bar rujtok, inej kaju bar kojo al. Waween mour, kilen kelet aikuj versus konaan, kauteej, mantin Majol, kajin Majol, read, kaorok katak, kakon nan ilju im jeklaj, ao makutkut ilo loplej, mour ilowaan mweo, rej itok jen Jimma.

Bubu eo ao ilo kadkad eo an Baba ekutkut ao kijoor bar lo lok e bwe komro en ikkure game in Mario ilo TV jidikdik eo an. Bubu ekar juon nurse ilo hospital im aolep ien ij joraan, ijelokin ao etal ippen Mama eo ikar dik im ruttolok ippen bwe en pineep in uleej e na, Bubu ej kijoor karreoiki kinej ko ao im bandage. Enwot ne juon motta. Elukun kijoor limo ien ko ij etal im lo lok e bwe elukun kojak. Iakwe bwe ekar emakut nan USA tokalik im ikar jab bar maron lo lok e ak ien ko ikar pad ippen ilukun kaorok ilo menono in ao. Ne Jimma eo ao ilo kadkad eo an Baba ekar jako mokta jen ao kar iioon e.

Alikin RES, ikar etal nan Majuro Middle School. Tokalik Marshall Islands High School. Jimma ekar lukun konaan bwe komim ajri ro jibin ren jikuul ilo public jikuul bwe jen jela kajin Majol. Men eo ekar enwot ekar kojak jidik kio ke ij lomnake. Ilak etal nan MMS im elak wor menin joraan, eiten aolep reba “Oh bar rijikuul in RES ke?” Ilak etal nan MIHS, ebar wor joraan. Eiten aolep rebar ba, “Oh bar rijikuul in MMS ke?” Ak rijikuul ro ikar jikuul ippeier jen RES, MMS, MIHS, mene ekar wor ien kakitoto im joraan jej kommane, elukun lap jelalokjen ko ippeier. Emool ewor ro rejjab lukun jela ilo katak in jikuul ak ne eitok nan katak ilo waween mour, elukun lap kapeel. Im ro ikar motta ippeier, elap aer kar kojparok na im remelele kon na enwot juon armej.

Ikar dik im ruttolok kon jikuul, book, im jeje. Kon Bubu im Jimma ro ao. Kab ilak ioon entaan, ejjelok eo imaron konaan nan er. Emoj ilelok aolep ao nan men kein jilu bwe ren maron jipan na wonmaanlok im jab bojrak im wotlok. Elukun aorok nan na bwe in kauteej rutto ro ao kon menin jolet kein jilu rekar katakinin na bwe in kauteej e. Elak ben mour, men kein jilu remaron kameralok jidik eddo eo ne ejjab imeloklok ilo jidik ien. Im ekar jipan. Aolep ien ij pad ippen book ko ao. Im rijikuul ro motta remelele. Rejjab peer pressure e na bwe in oktak. Mene eoktak kelet ko aer jen na, rekar kauteej e kelet ko ao im rekar jab komman enwot ne idik jen er. Elak wor rej ten kajjeon konaan nana kake na ne ejjab men bwe in inebata, rekar lukun jutak ippa im kokajoor na.

Ilo August 2014 ikar emakut jen Majuro nan Freiburg, Germany. Ilo emman eo an Irooj, ikar win United World College(UWC) scholarship nan etal im jikuul ilo mon jikuul eo aer UWC Robert Bosch College(2014-2016) ilo Freiburg. Ikar maron in jikuul ilo boarding jikuul in ippen rijikuul ro jen aolepen lal in. Ilo kar iio ko ikar pad ie kar 204 rijikuul jen 80+ aelon. Ilo ijin ijinoe katak kon men ko an lal ko inabwijin aelon eo ad im ekar jinoe belok kamlej eo ao. Alikin ikar konaan komman ao juon gap year. Ikar apply nan internship ilo UWC jikuul eo ilo Changshu, China. Jen 2016-2017 ikar intern ilo mon jikuul in. Tokalik ikar etal nan Pohnpei(2017-2018), FSM im jolok 6 allon nan lukun focus ilo jerbal in climate warrior. Ikar etal nan conferences, training workshops, expeditions on ships, interviews, writing articles, ilo allon kein 6 ilo lal ko jet im bar rool nan Pohnpei. The other 6 months ikar konaan bok kilaaj in Micronesian Studies ilo College of Micronesia eo ioon Pohnpei. Ijin ikar kio lukun katak kon region in ad Micronesia. Elap ao kar buromoj ke ij loe aelon eo ad ejjab lukun katakin koj kon men kein. Im ikonaan bwe en wor oktak.

Tokalik, imakut nan Hawai’i, USA(2018-2019). Ijin ikar jerbal enwot juon retail assistant ilo Shop Pacifica. Gift shop eo an Bishop Museum. Itok im katak kon Polynesia. Ebwijin kottan ao etal nan museum eo ilo days off ko ao im bar lo lok museum ko jet ioon Hawai’i. Every other month, ij bar kelok nan joko jet bwe in keroro ilo conference ikijeen oktak in mejatoto. Konke ikar part-time job im ikar komelele nan boss ro ao ilo ao kar jinoe ke ij bar kommane jerbal rot in, rekar melele im komman bwe schedule eo ao enjab conflict ippen jerbal in climate warrior. Elap ao kamoolol e er jen tumwilalin buruo.

Ej moj wot ak imakut nan New York, USA(2019) iumwin 6 allon. Embassy eo ad ilo New York ekar kajjitok ne imaron etal im jerbal ippeier. Jipan er kabojak nan 2019 UN Climate Summit. Bar juon learning experience nan na ke ilukun kio loe elmeet jerbal ko ilowaan UN, ikijeen embassy kein, lal kilep ko, civil society, im bar bwijin. Ebwe an kar ben im ewor ien ij lukun illu an jet men jab jerbal nan emman eo an armej ro im lal in ad ak supervisor ro ao rekar katakini na bwe in bar katak kijenmej im be creative with finding solutions im waween ad anjo ioon tol in.

Alikin imakut kio nan Washington, USA. Baamle eo ao ijanin loe er elle jen 2 iio im ebwe ao on kake ajri ro jeu im jati. Kio na in ij jikuul ijin alikin 3 iio in boub enwot juon climate warrior. Naij jikuul ilo juon community college. Ikar jab konaan kaju 4 year university bwe ijela ke jikuul eben im konke ijjanin jikuul iumwin 3 iio, inej aikuj bar kakememej basics ko ao.