Original print date: September 2015
Jet raan ko remootḷọk iaar drelon̄e ḷọk opeij eo an Arkansas Coalition of Marshallese (ACOM) im ioone an Melisa kōnono ippān jet rijerbal ro jān IRS. Eṃōj an ijino an ejaak juon jerbal ikōtaan ACOM, CARE im IRS n̄an jiban̄ armej paeli tax ko aer ilo ejeḷọk wōṇāān, juon wāwein eo enaaj kanooj in jiban̄ armej in Ṃajeḷ ro ioon Arkansas in. Raan eo ḷọk ṃokta, iaar en̄inḷọk ruo jiron̄ n̄an pukot jiban̄ ikijen jitaam in notary eo an ACOM eo ejeḷọk wōṇāān. Juon iaan jiron̄ rein ej kajeon̄ kadelon̄ ḷadrik eo nejin ilo jikuuḷ. Baaṃle eo an ar emakūtok jān Ṃajeḷ jejojo raan ko remootḷọk innām ej pukot juon wāwein kalikkar n̄an jikuuḷ eo jikin jokwe eo an baaṃle in. Jitaam in notary eo an ACOM ioon ḷeta eo ej kalikkar ijo rej jokwe ie enaaj kaṃool eo ekanooj eṃṃan im jikuuḷ eo enaaj kile. Ḷaddik eo nejin jiron̄ in ej kiiō jikuuḷ ilo Lee Elementary School. ACOM epeḷḷọk pein im edepakpak eḷḷọkūn n̄an jiban̄ ilo elon̄ jōkjōk ko. Waanjon̄ak, ewōr juon likao eo eṃōj an erom jitijen in Amedka jān jiban̄ eo an ACOM.
ACOM ej juon non profit ejaak jān juon jiron̄ in Ṃajeḷ n̄an jiban̄ armej in Ṃajeḷ. Ewōr an ACOM opeij im ekanooj in eṃṃan kein jerbal ko ie. Rainin ewōr an ACOM Board of Directors. Melisa Laelan ej Director eo an doulul in. Jelleson Rubon Chutaro ej ViceDirector. Mandy Ritok Lakien ej Secretary im Williamina Bing ej treasurer. Sandy Hainline ej aer Advisor. Rumina Lakmis ej juon rijerbal eo ej bōk wōnāān im enaaj e eo kwānaaj ioone ilo opeij eo an ACOM ilo aolepān raan ko ej peḷḷok. Aolepān jiron̄ rein eḷap aer kapeel. N̄e iaar jan̄in loe jerbal in kōrā maron̄ron̄ innām kiiō imaron̄ in ba ijeḷā bwe iaar loe. Men̄e idepakpakḷọk jān ermen aolep, rej jutakḷọk ioō kōn jeḷāḷọkjen im wāwein tōḷ.
ACOM eaar juon etōṇak n̄an jiban̄ kōṃanṃanḷọk jekjek in mour ko an ri Ṃajeḷ ro ioon Arkansas. Ilo kar jinountata eaar wōr Melisa im bar jilu likao ro raar ṃōttan ilo ḷōmṇak in, ijoke e wōt eo enaaj wōnṃaanḷọk kake. Ilo jinoun eaar ioon ḷōmṇak in kabweer ko. Ewōr iien ko eaar likjab ilo jibadek ko an n̄an iuun ṃaanḷọk doulul in. Eaar jabwe ippān jeḷā ilo wāwein ejaake juon non profit, mekarta Melisa eaar jab ebweer; aolepān men kein raar kāḷọke bwe en erom rijibadok eo ewōr tobrak in jarpal ko an. Melisa ej katakin eo bwe ejelok bwod ilo ad wōtḷọk, bwe kiiō kwōnaaj jeḷā ial ko rejiṃwe. Melisa ej barāinwōt kile bwe n̄e enaaj jiṃwe armej ro kwōj jerbal ippāer innām enaaj mour juon kōtōoar. Jen lo lok jōṇ im naan in jibadek ko jān Williamina Bing, ACOM enaaj jino an ettōr.
Melisa ej ba bwe ACOM ej dik wōt bōtab ejjab jemḷọk an eddōkḷọk. Ke ij kajjitōkin ewi wāwein an laleḷọk ACOM jejojo iiō ko jān kiiō, eaar bojrak, im āinwōt n̄e ej ereiḷọk im Joe ilo vision, eaar uak im ba bwe enaaj kanooj ḷap. Ijeḷā jon̄an kapeel eo an jiron̄ rein im jon̄an ḷap in kōtōpar kein aer im ij loe bwe ACOM ej jikin kone im juon pā eo eṃṃan kabjere kiiō im ilo ilju eo an Eḷḷaaj. Kwōj maron̄ in tōpar ḷọk opeij eo an ACOM ilo 109 Spring Street, Suite 14 Springdale, AR. 72764 im ilo telepoon (479) 365-6625.
Rọọlḷọk n̄an pepa https://chikinmelele.com/from-the-archives-september-23-2015/.