Original print date: September 2015
Etown Māākjiin, juon Māākjiin eo ilo bukwōn in Enid, Oklahoma eo im ej kōṃṃan aolep ruo allōn̄ im diwōjḷọk n̄an armej in Enid jiljino alen iloan juon iiō. Iloan pepa eo an O̧kwōj eo, ilo peij eo an ej kalikkar nebar in, Unsung Hero, im kūle ḷọk juon likao in Ṃajeḷ, eo ej jān aelōn̄ in Jabōt im Laura. Terry Mote ej nejin Jebet im Mojina Mote, juon eo eaar rūttoḷọk ilo Lolodiejmaan Weto ilo bukwōn in Arrak ioon Majuro en. Sponsor eo an peij eo, Unsung Hero, David Burrows ej kōṃṃane ekaleel in. David ej kelet juon eo jān jukjuk in pād eo ilo bukwōn in Enid im armej in ej aikuj juon eo ej ritōl im jerbal ko an reḷap im reṃṃan im ej juon waanjon̄ak eo eṃṃan n̄an jukjuk in pād eo.
Bwebwenato eo ilo Māākjiin in kōn Terry ej kwaḷọk bwe Terry eaar ṃakūt tok jān Ṃajeḷ n̄an bukwōn in Enid ilo 2007. Ilo tore eo eaar jab kanooj meḷeḷe kajin In̄liij, mekarta eaar jab bōbraik jān an jibadek im naaj pukōt an meḷeḷe kajin in. Jerbal eo an ilo Enid Public Library enaaj kanooj ḷap ilo an jiban̄ Terry ekatak kajin In̄liij. Ijellọkun an ekatak ilo an riit ilo jikin jerbal eo an, Terry eaar barāinwōt jikuuḷ in jota im ebbōk kilaaj in katak In̄liij ilo jọteniin juje otemjej. Rainin Terry ej jerbal āinwōt juon rukook ilo Garfiend County Courthouse im ilo Garfield Health Department.
Terry ej President n̄an droulul eo an Iakwe Iuk Club im enaaj kein kemen iiō ilo an jerbal ippān armej in Ṃajeḷ ro ilo Enid. Jerbal ko an im an opeija ro ṃōttan rekutbuj jān kopooj raan eo eḷap an Ṃajeḷ, RMI Constitutional Day Celebration eo n̄an ṃakūtūt ko jet rej ain armej in Ṃajeḷ ro Enid im im jerbal ko reṃṃan im renaaj kwaḷọk kajjeed ri Ṃajeḷ n̄an armej ro ilo bukwōn in Enid.
Terry ejouj im ekaṃōṇōṇō. Jet iiō ko remootḷọk ke kōmro ej likao wōt, eaar jiron̄ eo bwe eitoklimo in ilo an kōṃṃani men ko reṃṃan. Kajojo armej ro rej ḷotak tok ioon mejen laḷ, ewōr ippāer meram eo an Kraist im kōn meram in jenaaj kile eṃṃan jān nana. Im enaaj kelet ko ad im renaaj ubwakeḷọk meram in akō kōḷapḷọk ilo kōj. Ij kemejmej ḷọk naan ko an Irooj, ko ej kōnono ilo Bok in Matu 5: 16 im ej ba āindein, ” ilo ejjā wāwein in wōt ami meram en romaak iṃaan armej bwe ren lo jerbal ko reṃṃan komūj kōṃṃani im nebar Jememi Ilan̄”. Im en̄in en ṃul eo ṃulidḷ Ij kaṃṃolol Terry kōn waanjon̄ak ko an reṃṃan.
Rọọlḷọk n̄an pepa https://chikinmelele.com/from-the-archives-september-23-2015/.