Ri ukok: M. Langmos im A. Matuato
Read in English: Criminal Justice Coordinating Committee Suspended by Washington County Judge
Ta in Criminal Justice Coordinating Committee? Ej juon kamiti eo im ej kapilōklōk Quorum Court eo ikijjien abañ ko im rejelet jikin kalibuj ko, court eo im kakien ko im rejelet juon local government. Ewōr 15 armej uwaan kamiti in rej ijitōñ in County Judge eo, im eṃōj rie kab kalikkar er jān Quorum Court eo. Kamiti member ro remaroñ in jet ro im rej ri ekajet, ri waaj an jikin kalibuj ko, jet lawyer jān State, bulijmaan ro, taktō im nurse ro, social worker, therapist, im kab obija ro jān County. National Center for State Courts eo ej rōjañ ḷọk Washington County eo kōn kain kamiti rōt in ñan ejaake jet wāwein ko ñan kabdikḷọk koban jikin kalibuj ko im barāinwōt kōjparok jukjukin pād ko.
Rekar ejaake CJCC ñan etale jet wāwein ko im remaroñ in kaietḷọk obrak in jikin kalibuj ko. Jikin kalibuj en ewōr 700 bet ko ie, bōtab ewōr alen an 800 armej rej pād ie ilo juon iien, im rej babu im kiki ijoko ilaḷ. Kamiti in ekkar ekatak kōn meḷeḷe ko jān jikin kalibuj ko ilo local kab regional ekoba meḷeḷe ko jān Washington County Regional Crisis Stabilization Unit eo. Juon crisis stabilization unit ej leḷọk jibañ ñan armej ro rej lukkuun eñjake eḷap inepata ak elotaan, kōjerbal eḷap jān joñan arkoọọḷ ak uno rekkajoor, ak ḷōmṇakin koọkkure er make ak ro jet.
Ñan kadikḷọk bōnbōn in armej ilo juon kalbuuj, CJCC ekar katmāne juon būrookraam̧ in jibañ mālejjon̄e ṃokta ñan jibanñ kadikḷọk an obrak kalbuuj ko. Būrookraaṃ in emaroñ kōjerbal $200,000 jān County Budget eo im $550,000 jān juon federal grant ñan juon mental health court, āinḷọk wōt state drug court būrookraaṃ eo. Meḷeḷein bwe juon armej eo ej po, akō jab watōke juon menin kaamijak ilo men ko ejeleti, naaj maroñ karoole ñan kapijuknen bwe en kōttar an ekajet. Ilo state drug court būrookraam̧ eo, juon armej eo me eaar po kōn an kōjerbal drug ej joor jān kalbuuj ak ej ripoot ñan juon iien ñan drug teej. Rej maroñ bōk kilaaj ko ak jerbal ippān juon counselor ñan kōnono kake juon men einwōt kōjerbal drug ak jorrāān in illu.
NWA Democrat Gazette ekar ripooti ke ilo kar Oktoba in 2023 eo, ri ekajet eo an Washington County, Judge Deakins ekar kakien bwe aolep ro uwaan kamiti in ren bōjrak jān aolep aer kweḷọk, kōnke term in jerbal ko an ro uwaan kamiti in eṃōj aer jemḷọk. Ro rej uwaan kamiti in rej maroñ in jerbal wōt ruo term, kōn joñan in jilu iiō juon term. Kabbōjrak in an CJCC ekar kōṃṃan an bōjrak aolep elmakot ako proposal ko. Mekarta men kein, Judge Deakins ej wōnṃaanḷọk wot kōn $20 milien tala būlāān eo ñan kōḷapḷọk jikin kalibuj ko, kōn jāān ko jān American Rescue Plan eo. Ri vote ro rekkar jab errā kōn bebe in ñan kōḷapḷọk jikin kalibuj ko jān jāān in ewōj ko kab jāān ko jān Covid-relief fund eo. Judge Deakins ej katmāne ilo an reiṃaanḷọk ke renaaj jino aer kaleke jikin kalibuj kein ṃokta jān an iiō in jeṃḷọk.
Arkansas Justice Reform Coalition eo ej wōnṃaanḷọk wōt ilo an kajjitōk ḷọk ippān Quorum Court eo im ej barāinwōt kōṃṃan an bebe bwe CJCC eo en etal wot ilo aolep jerbal kab kōtōpar ko aer eṃōj aer bebeki kab karoke ḷọk ṃokta. Kain kamiti rōt in eḷap kuṇaer ilo kōṃṃan eḷap oktak ko kab kōtōpar ko im remaroñ jelet im kōkōṃanṃanḷọk jerbal in ekajet ko ilo jukjukin pād eo. Ej bōktok elon kain armej jān jikin kōjparok kien ko, jān court ko, social services ko (im rej jibañ armej ikijjien kabbōk aer jerbal, jikin jokwe ko, ikijjien biil kab injuran ko aer) NonProfit ko kab armej ro rej bukbukot mejlan an eṃṃanḷọk im jejjet ilo wāwein aer ekajet armej kōn men ko ruweer, im barāinwōt ilo wāwein aer kōjjeblak tok armej ñan jukjukin pād ko alikin aer pād ilo kalibuj ko. Ej barāinwōt kakobaikitok jerbal in ippān doon eo ilo juon jujukin pād im kōṃṃan bwe kien eo en jerbal ilo jiṃwe ekkar ñan aikuj kab wāwein ko im rejelet juon armej im bwe aolep armej in jukjukin pād eo ren maroñ mour ilo kōjparok im jiṃwe eo ilo ejjeḷọk aer uwōta.
