English: https://www.chikinmelele.com/covid-19-impact-on-school-districts/
ArkansasCovid ej juon project eo an jikuuļ in journalism im Strategic Media eo an University eo an Arkansas ium̧win tōl eo an Assistant Professor in Journalism, Rob Well, PhD. Kwomaron̄ lale elōn̄ļo̧k data jān aer project. Abby Zimmardi, juon senior ilo University eo an Arkansas eo ej ekkatak kōn Journalism im Anthropology, ej kemeļeļeik data ko kōn COVID-19 ilo school district ko ilo Arkansas jān Jeptōm̧ba n̄an Tijōm̧ba 2020. Ej kalimjōk ļo̧k jikuuļ district kein emen ko elōn̄ tata case in COVID-19 ko ie. Aolepen jikuuļ district kein elōn̄tata uwaan rijikuuļ ro rej Hispanic. Edikļo̧k jidik jān jimetan in rijikuuļ ro ilo jikuuļ district ko ilo Green Forest, Springdale im Roger. Jilu m̧ōttan juon ian rijikuuļ ro ilo Hope rej Hispanic.
Green Forest ej juon jikuuļ district eo edik ewōr 1,325 rijikuuļ ro—ewōr tarin 50 ian rijikuuļ rein rej riM̧ajeļ. Eļōn̄tata oran keej ko aer kōn 38.79 n̄an aolep 1000 armej. Ilo jinoun Tijōm̧ba eo, ewōr 15 rikaki ro im 53 rijikuuļ ro raar nan̄inmej. Ruo kilaaj in kindergarten im superintendent eo raar quarantine. Rej m̧ōņōņō bwe ejeļo̧k ar lukun dolo̧o̧l ak deļon̄ ihospital. District eo ear ļoor bun̄tōn ko n̄an kejbarok ilo aer bōk bwil in rikaki ro im rijikuuļ ro ilo kajojo raan, kareoik bus ko aolep raan, im kareoik classroom ko aolep awa. District eo ear jeniji water fountain ko im illik jikin ettein̄ nineen den ko im kom̧m̧an elōn̄ ļo̧k jikin hand sanitizer ko.
Springdale School District eo ej jikuul district eo eļaptata ilo Arkansas kōn elōn̄ ļo̧k jān 21,000 rijikuul ro. Elōn̄ ļo̧k jān 2,500 rijikuul rein rej riM̧ajeļ. Oran keej ko aer ej kein karuo ilo an ļap nōm̧ba ko kōn 30.66 n̄an aolep 1000 armej. Ilo jinoun Tijōm̧ba eo, ewōr kar 159 rikaki ro im 639 rijikuul ro raar nan̄inmej. District eo ear kom̧m̧an bwe aolep rikaki ro im rijikuuļ ro ren ekkōņak kein kalbubuik lon̄ier im potier ilo iien jikuuļ. Raar bareinwot kōm̧m̧an jikin tein̄i nine in den ko im kakutkut ļo̧k kareo. District eo ear leļo̧k anemkwōj n̄an kālet ekkatak ilo classroom im online jim̧or ak ekkatak ilo online wōt n̄an rijikuuļ ro im rikaki ro anemkwōj n̄an bōk leave of absence ak kakuje elan̄n̄e raar ekkōl in kōm̧m̧ani kilaaj ko aer. Kōn an jabwe oran rikaki im substitute ro im elōn̄ uwaan ro rej pād ilo quarantine, aolepen jikuuļ ko raar ukōt wāwein aer katakin n̄an online ium̧win ruo week ko jān Nobōm̧ba 23 n̄an Tijōm̧ba 7 raan. Jet ian rikaki ro im raar m̧our jān covid raar kanooj ajōļkā wōt im jet iaer raar kālet early retirement.
Elon̄ ļo̧k jān 15,000 rijikuuļ ro ilo School District eo ilo Roger, 300 iaer rej riM̧ajeļ. Bōnbōn ko aer ikijeen covid ej 23.9 kōn 1000 rijikuuļ ro. Ilo jinoun Tijōm̧ba eo, ewōr 112 rikaki ro im 367 armej raar nan̄inmej. Ilo Tijōm̧ba eo, Benton County ear pād ilo kein karuo iaan county ko kajojo kōn jon̄an lōn̄ in oran rinan̄inmej ro rej kab nan̄inmej. Superintendent eo ear ba bwe jon̄an lōn̄ in oran rinaninmej ro ilo jikuuļ ej kalikkar jon̄an ajedeed eo ilo jukjukun pad eo. Repojak in oktak n̄an katakin ilo online eļan̄n̄e emenin aikuj. Aolep rikaki im rijikuuļ ro ewōr aer laptop im chromebook ko im ewōr 1000 portable wi-fi device ko n̄an rijikuuļ ro ejeļo̧k aer internet.
Ilo Hope School District ewōr tarin 2,400 rijikuuļ ro. Oran nōm̧ba ko aer ikijeen covid ej 21.87 keej ko kōn aolep 1000 armej. Ilo jinoun Tijōm̧ba eo, ewōr 25 rikaki im rijerbal ro im 50 rijikuuļ ro raar nan̄inmej. Aolepen rijikuuļ rein ear wōr aer Chromebook im school district eo ear kapooj hard drive ko epad 2 wiik n̄an 1 allon̄ in ekkatak ko n̄an rijikuuļ ro rej quarantine im ejeļok aer internet. 4 ian jikuuļ ko 6 rej aikuj emakitļo̧k n̄an online kōn oran rinan̄inmej ro ak oran rikaki ro raar quarantine. Superintendent eo ear ba bwe rikaki ro rej nan̄inmej tok jān ilikin jikuuļ, jān jukjukun pād eo ilo im̧ōn jar ko. Tok elik, school district eo ear kōm̧m̧an bwe aolep kwelok ko an rikaki im rijerbal ro ren kōm̧m̧an ilo online. Ear ba, “eļan̄n̄e ewōr jilu ak elōn̄ ļo̧k, kom̧wij aikuj zoom i.”